حەسۆ ئەرەیاۋناش کە نمەبۊ پەرسۊ کورڎی بە چېوې ئاسایی تەماشە بکریۆ و واتش: "جە ڕاسییەنە کورد حەجگیز کېشە نەبییەن، ئی چېوې ۋەرو ئانەی ڕوەمڎا کە مافو کورڎی دەسش سەرەرە گیریان، جە ۋەرنیشتەنە ۋەرۆئامایې ئەرېنیې ئینې ئارانە، وەفدېوە ئېمە سەرشا ۋنەو دیمەشقی دا، کورد بە درێژایی تارېخی بە مڎرامان وېش یاونان ئی ڕوا.

هامسەرۆکو پەیەدەی ئاگایش دا پانیشا کە هەوڵو سیاوکەردەی پرۆسەکەی مڎا و واتش: "ئێمە ئیساتۍ لوێنمۍ دلۍ پڕۆسێوە کە چەک مردان و ئەوەکۊشایۍ تازە دەسش پنەکەرڎەن، مشۊم گرڎ بە عالی چی پرۆسەیە بیاوانە، ئانۍ پرۆسەکەی سیاو مکەرا حیچ رەنجێوەشا جە ئەوەکۊشاینە نەڎان، ئانۍ تەنیا بە قسەکەردەی شۆڕش مکەرا، پۊکەی نمەبۆ حیچ گرنگیێوە پا کەسا بڎریۆ."

گفتوگۆکۍ چنی دیمەشقی بەردەوامێنۍ

غەریب حەسۆ ئەرەیاۋناش کە پەیوەندییەکۍ ئیدارەو ۋێڕاوەبەری ۋەرنیشتی چنی ئیدارەو دیمەشقی بەردەوامێنۍ، دووۍ ڕوۍ چێوەڵی وەفدێوە ئێمە لوۍ دیمەشق، جە شاندەکەنە نوێنەرا کورد، عەرەب، ئاشووری و سریانی بێنۍ، گرڎو پېکئامایەکا ۋەرنیشتی گلېرۍ بیێنێوە و داواکارییەکێشا ئەرەیاۋنێنۍ." حەسۆ جە درێژەو قسەکاشەنە واتش: "بڕۍ لایەنۍ ئێمە بە مەیل جیا نامۍ بەرا، بەڵام ۋێشا مەیل جیێنۍ."

'ئامادێنمې ڕاسەوخۆ چنی تورکیای دیدار بکەرمې'

هەرپاسە غەریب حەسۆ جوابو پرسیارەکا گەلیش داوە و ئەرەیاۋناش کە ئاڎې کراوێنۍ پەی گفتوگۆی چنی تورکیای.

حەسۆ قسەکۍ مەزلوم عەبدی فەرماندەو گرڎیی هێزەکاو قەسەدەیش یاڎئاوردێوە و واتش: "ئێمە ئامادێنمۍ ڕاسەوخۆ چنی تورکیای گلېرێبیمېوە، جە ئایندەنە ڕەنگە ئاژێوە هامسایی وەش بۆ، چی چوارچێوەنە، پەنەواز بە گفتوگۊی بۆ، جە ئیساتێوە پەیوەندی سەرو مژارەکا پېسە بەنداوو تیشرینی هەن، پېسە هەڤاڵ مەزڵوم واتش: "ئەر پەنەواز بکەرۆ، چنی سەرۆککۆمار ئەردۆغانی کوۍ بیمێوە. ئێمە حیچ نیگەرانیێوەما چا بارۆ نییا."

حەسۆ ئەرەیاۋناش؛ تورکیا متاوۆ جە سوریانە دەورێوە ئەرێنی گێڵنۆ و داواش کەرڎ، بەتایبەتی سەرو مژارەکا پېسە قەیرانەو پەنابەرا هەنگامەی بنیاتنەرە بنریۆ.

حەسۆ سەرو پرسو چەک نیایرەی کە جە ڕۆنامەکا تورکیاینە وەڵا کریابێوە، ئەرەیاۋناش کە جە ئیساتێنە نیا بەرنامەو ئاڎیشانە.هەرپاسە واتش: "ئاژەو سوریای پېسە تورکیای نییا، داعش هەڵای چالاکا، نیایرەو چەکی جە پرسیارۍ بەرشیەن تا شناسنامە و مافەکۍ کوردی بە شێوێوە یاسایی مسۆگەرۍ نەکریا، باسو چەک نیایرەی هەر نمەبۆ باسش سەر بکریۆ."

'ئێمە چنی گرڎو نەتەوەکا هامکاریما کەرڎەن'

حەسۆ دماو گلېرۊبیەکەی جوابو پرسیارەکا ئاژانسو فوراتیش دێوە و ئەرەیاۋناش، چنی گرڎو گەلا جە ۋەرنیشتەنە پەیوەندیێوە نزیکشا هەن و واتش: "چنی پێکئامایەکا دروزی، عەرەب، عەلەوی و پێکئامایەکا تەری کوۍ بیمێوە، ئەر سوریایۍ دیموکراتیکما مەتڵەبا، مشۊم چنی گرڎو نەتەوە جیاوازەکا گلېرۍ بیمېوە، جە ناوچەکا ئیدارەو ۋێڕاوەبەرینە گرڎ متاوا بە ئازادی بیروباوەڕی و ناسنامەو ۋێشاوە بژیوا، هامکارییەکۍ سەرو بنەماو ژمارەی نەنریێنێرە، بەڵام سەرو بنەماو نوێنەرایەتی یەکسانی نریانەرە."