هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پەرسەو کوردی" تا مێ فراوانتەرە بۆ، ڕێکوزیاو گەنجە سۆسیالیستا ئەباهلالی باس مجۆندۆلۆ، کە ساڵەو ٢٠٠٤ پەی پارێزنای مافوو ملوێنا خەڵکی فەقیروو ئەفریقاو پانیشتی ئەرەمەرزیا و ١٢٠ هەزار ئەندامێش هەنێ، کۆبییۆ. دلێشنە سڵام وەنەو هەڵمەتەو ئازاڎیی ڕابەروو گەلوو کوردی عەبدوڵا ئۆجالانی کریا.

ڕابەروو ئازاڎیین

سەرۆکوو ڕێکوزیاکەی، سیبۆ زیکۆد، سڵامش وەنەو کۆشیای گەلوو کوردی کەرد و قسێوەنە ڕابەروو گەلوو کوردی عەبدوڵا ئۆجالانیش پێسە "هامڕا عەبدوڵا ئۆجالان"ی نامێ ئارد. زیکۆد واتش ئازاڎیی جەسەیی ڕابەروو گەلوو کوردی عەبدوڵا ئۆجالانی داواشانە: "پێسە چەنی ئێمە بە ماندێلایما وات ڕابەر، ئارۆ عەبدوڵا ئۆجالان پەیما ڕابەروو ئازاڎیین".

قسەکاش داواو ئازاڎیی جەستەیی ڕابەروو گەلوو کوردی عەبدوڵا ئۆجالانی کریا و وەختێ نامێ ڕابەروو گەلوو کوردی عەبدوڵا ئۆجالانی ئێ، گەنجێ بە یەک دەنگ درووشموو "بژیوۆ سەرۆک ئاپۆ"ی بەرز کەرێنێوە.

گەشمەردێ یاڎێ کریێوە

گەنجێ پەی ئەنداماو کۆردیناسیۆنوو کۆمەڵەو گەنجا و کۆردیناسیۆنوو ژەنە گەنجا، سارا هۆگر ڕحا و بیشەنگ بروسکە، کە ساڵەو ٢٠٢٣ هەرێمەکاو پارێزنای مەدیاینە گەشمەردێ بیێ یاڎێ کریێوە.

بانگەوازوو گەشکەردەی کۆشیای 

کۆبییەیۆکەینە بە نامێ  کۆمیتەو پەیوەندییەکاو بەروو گەنجا ڕوناهیوە  واچێوە  پێشکەش کریا.

کۆمیتەکە بانگەواش کەرد پەی گەشکەردەی کۆشیای ئەنتەرناسیۆنالیستی.

کۆمیتەکە سوپاسوو گەنجاو  ئەفریقاو پانیشتیش کەرد، کە پەشتگیرییشا وەنەو  کۆشیای کەردەن پەی ئازادی جەستەیی ڕابەروو گەلوو کوردی عەبدوڵا ئۆجالانی.