جە ٢٥ەمین ساڵەو پیلانگێڵنیی میان نەتەوەیینە دژوو رابەروو گەلوو کوردی عەبدوڵا ئۆجالانی و هاموەخت چنی ساڵیاڎوو ۋێنیشانداکاو یەرۍ سیاوکامینە چالاکیێوە هوشیارکەردەیۆ و یاڎکەردەیۊیشا ئەنجامدا.
دمابەدماو پیلانگێڵنیی میان نەتەوەیی ١٥و شوباتوو ١٩٩٩ ی دژوو رابەروو گەلوو کوردی عەبدوڵا ئۆجالانی، جە ۋەرکەوتوو کوردسانیچ هامشێوەو پارچەکا تەروو کوردسانی و تاراوگەی ۋێنیشندای و ناڕەزایەیی وەرفراوان کریا، بەڵام دەوڵەتوو ئێرانی بە تنی دژوو ئا ناڕەزاییا مرداوە و جە یەرۍ سیاوکامیەنە بەتایبەتی جە شاروو سنەی دەیان ۋێنیشاندەرێش گەشمەرڎۍ کەردۍ و بە سەڎانیچ زامڎارۍ بیۍ.
ئێساڵ جە ٢٥ەمین ساڵەو پیلانگێڵییەکەینە، کە هاموەخت ٢٥ەمین ساڵیاڎوو کۊکوشی یەرۍ سیاو کامیا، گەنجاو ئاپۆیی جە شاروو سنەی بە چالاکیێوە سەرەڕاو شەرمەزارکەردەی پیلانگێڵنیی میان نەتەوەیی، یاڎوو گیانبەخشایا سەرهۊرداو یەرۍ سیاوکامیشا بەرزراگێرت.
گەنجاو ئاپۆیی شاروو سنەی بە وەڵاکەردەیۆ هەزار وەرەقا جە ئاویەر، وەزە کۊرە و هانەو شیفاینە جە هەمان وەختەنە سەرنجشا وست سەروو گۆشەگیری رەهاو سەروو رابەروو گەلوو کوردی عەبدوڵا ئۆجالانی پەی هۊرگێرتەی و ماڕای گۆشەگیری بانگەوازشا ئەرەیاۋنا.
