تارا حسێنە هامسەرۆکەو تەڤگەروو ئازادیی ماچۆ :"ڕابەر ئاپۆ تەنیا ڕابەروو گەلوو کوردی نییا، ڕابەروو کەسایەتییە ئاشتیوازەکان گردوو دنیێنە"، واتیچش، گردوو حزبە کوردییەکا جە مردایۆ دژوو گۆشەگیرینە ئیمراڵیینە وەرپەرسێنێ.
'گەلوو کوردی و ڕابەر ئاپۆ و شۆڕشگێڵنێ مەیدانی کرداریینە پیلانگێڵنیی میاننەتەوەییشا پووچەڵ کەردەنۆ'
تارا حسێنە هامسەرۆکەو تەڤگەروو ئازادی، سەبارەت بە پیلانگێڵنیی میاننەتەوەیی ساڵەو ١٩٩٩ و گۆشەگیریی ڕابەروو گەلوو کوردی عەبدوڵا ئۆجەلانی پەی ئاژانسوو هەواڵوو فوراتی دوا و واتش:"ئی پلانگێڵنییە میاننەتەوەییە دژ بە گەلوو کوردی بە بەشداریی هێزە ئیمپریالیست و هەژموونواز و ستاتۆپارێزنەکاو مەنتێقەکەی بییەن و حەر لە سەرەتای دامەزراندنی پارتی کرێکارانی کوردستان لە حەفتاکانی سەدەی ڕابردوو بە چەندین شێوازی ڕەشبەگیری و بە ئامانجگرتن و ئۆپەراسیۆنی جیاواز دەوڵەتی تورکی داگیرکەر ویستی ڕووبەڕووی ئەم شۆڕشەی ڕابەرمان ببێتەوە، بەڵام دواتر بۆیان دەرکەوت کە ناتوانن، بۆیە پێشەنگی ئەم بزوتنەوەیەیان بە ئامانج گرت، گەلی کورد خاوەنی چەندین شۆڕش و بزوتنەوەی تر بووە، حەریۆشا نۆعێ سزا و تەسفیەکەردەی و قەنارەدای و کوشتەی پارچە کریێنێ و کپێ کریێنێوە، بەڵام پارتوو کرێکاراو کوردستانی نەتاویا هەمان هەرمانش چەنی بکریۆ، چونکوم بەدەرا جە شۆڕشی جەسەیی، پەروەردێوە زیهنی بێ، پەوکای متاوو بواچوو ئی جمیەرە تەنیا پەی دۆزوو کوردی نەبییەن، بەڵکوم پەی گەلوو تورکیچ بییەن. متاوو وەروو ئە سەبەبا واچوو ڕابەر عەبدوڵڵا ئۆجەلان ڕابەر و کەسایەتیی ئاشتیوازا جیهانەنە، پیلانگێڵنیی میاننەتەوەیی حەر جە ساڵەو ١٩٩٨ دەسشپەنە کریابێ، ، تا ئا وەختە کە ڕابەر ئاپۆشا وەڵاتوو کینیاینە تەسلیموو دەوڵەتی ئەرەگیرکاروو تورکی کەردۆ، خەباتوو ڕابەر ئاپۆی بەتەنیا شۆڕشی جەسەیی نەبێ، پەروەردە و فەلسەفێوە زیهنییش بێ. هۆکاروو ئانەیچ قەرارش دا بزیۆرە بەروو وەڵاتی، پەی ئشناسای دۆزوو گەلوو کورد بێ بە جیهانی، من باوڕم پاسنەن حەر فەیلەسووفێوە تەریچ بیێ چا وەختەنە هەمان قەرار دیێ. ڕابەر ئاپۆ تەسەورش چانە بێ، کەسایەتیی ئازاد بە گلێرگەی ئازادیرە ویەرۆ و ئازادیی ژەنێ جە جمیەرەکەشنە و ویرۆکەکەشنە بنەما گیریۆ، ئارۆ فرەو جمیەرە فیمینستییەکا فەلسەفەکەو ئادی جە خەباتوو وێشانە بە بنەما گێرا، حەرپاسە کەسایەتیی ئاشتیواز و ئازادیواز سیستموو کۆنفیدڕاڵیزمی دیموکراتیکی پێسە چارەسەروو کێشەو جیهانی موینۆ، ئینەیچە سەلەمنۆش کە پیلانگێڵنیی میاننەتەوەیی لاو ئازادیوازا و ڕابەر ئاپۆیۆ و گەلەکەیشۆ مەیدانوو بەهەرمانبییەینە پووچەڵ کریانۆ."
چی وێڕاوەبەریی دیموکراتیک؟
تارا حسێنە بارەو ڕاگێریکەردەی جە چالاکیی مەدەنی و ڕاپیمای ١٥ شوباتوو ٢٠٢٤ شاروو سلێمانیینە پەی هەوەڵ جاری و سەرکوتکەردەی ئازادی بە ئاژانسوو هەواڵیماش وات:" ڕاسیینە ئێمە وەختێ باسوو سیستموو وێڕاوەبەری کەرمێ، ئامانج ئانەنە کە پێسە گەلێوە ناچارێ نەبیمێ دەسکەوتەکاما وزمێ دەسوو دەوڵەتێوە، ئا هەوڵێ کە ویەردەنە پەی سەرکوتکەردەی ئازادی و بەروستەی لایەنە تاریکەکاو دەسەڵاتی سنووروو پەدەکەینە بێنێ، پێسە ئانەی زیندانیکەردەیی ڕۆنامەوانا و چالاکاو بادینانینە دیما، ئیساتێ هەوڵێ دریا، هەرێموو سلێمانیینە و دەوروبەریچشنە کریا، حەرچندە ئێمە تەدەور کەرمێ ئینە قۆناغێوە ڕاگوزەرا، بەڵام بە بێگومان نیا بەرژەوەندیی گەلوو کوردینە و غەڵەتوانایۆ دەسەڵاتین پەی دۆخەکەی. جە ویەردەنە واتەواچەکاو هەرێمی چەنی عێراقی چوارچوەو مژاری گرنگوو پێسە پێوەژیوای و ماددەو ١٤٠ینە بێنێ، بەڵام ئیساتێ تەنیا سەبارەت بە پەرسەو بودجەی و مووچەین، ئینەیچ بەروزوو ئا ڕاسییەینە کە چند دەسەڵات گەلەکەو وێش چەوسنۆوە و سەرکوتش کەرۆ، ئاندە سەنگ و قورساییش مەیدانی سیاسیینە لاواز بۆ و ناچار مبۆ بۆ بە داردەس پەی دەسەڵاتوو دەوڵەت-نەتەوەکای تەری."
'هەرمانەو تەڤگەروو ئازادیی ئاواکەردەی سیستمێوە سیاسیی ئەخلاقیین'
تارا حسێنە بارەو هەرمان و چالاکی و ئامانجەکاو تەڤگەروو ئازادییوە پەی ئاژانسوو هەواڵوو فوراتی قسێش کەردێ و واتش:"ئێمە پێسە تەڤگەروو ئازادیی هەرمانەما پەروەردە و هۆشیارکەردەیۆ گلێرگەین وەراوەروو سیستمی و دەسەڵاتوو دژ پادیشانە و ئازادییەکەیشانە هەرمانە کەرۆ، کۆشیای ئێمە پەی ئانەیە نییا، کە پەرلەماننە بەشدارێ بیمێ و بە قسێ کوردەواری جادەکا کەرمێ بە شامی شەریف، بە بڕواو ئێمە سیستموو ئۆپۆزسیۆنی سیستمێوە شکسواردەن و هەمان مۆدێلوو دەسەڵاتداری بییەن و نەتاوانش هەرمانە و خەباتەکاش پەی گەلوو وێش کەرۆ. حەر پەوکای خەباتوو ئێمە خەباتێوە زیهنی و پەروەردەیین پەی تاکەکاو گەلوو وێما، ئێمە تەسەورما چانەن ئازادیی ڕابەر ئاپۆی، کە ٢٥ ساڵێن دوورگەو ئیمراڵیینە گۆشەگیر کریان، پێسە کرێڵوو چارەسەریین دژوو گردوو ئا قۆرتانە، کە گەلەکەما هەنێش، نەبییەی ئادی مەیدانی سیاسیینە هەرمانێ تارێخییەنە گەردەنماوە، ئێمە ئیستای ئینایمێ قۆناغێوەنە، کە درک پانەیە کەرمێ، کە گۆشەگیری ئا ڕابەرەیە چە زەرەرا پەی گەلەکەیما، بە پێچەوانەو تارێخی ویەردەیۆ، کە گەل بەرامبەر قازی محەمەد و شۆڕشەکای تەری بیەنشا، پەوکای تا ڕابەر ئاپۆ ئازاد نەبۆ، هیچ وەخت ئازادیی گەلەکەیمان نمێ دی. ئێمە پێسە تەڤگەروو ئازادیی چوارچوەو ئا هەڵمەتە جیهانییێنە، کە هەنە بە نامێ ئازادیی ڕابەر عەبدوڵڵا ئۆجەلانی و چارەسەروو پەرسەو کوردیوە، کە کۆمیتەو ئامادەکارییچ پانیشتوو کوردستانینە هەن، حەر هەرمان و چالاکیێوە بۆ دلێشنە بەشدارێنمێ و ئامادێ ورگێرتەی گرد وەرپەرسیاریێنمێ، تەسەورما چانەن کە گردوو جمیەر و حیزبە کوردییەکا و بەتایبەت یەنەکە وەرپەرسێنێ جە گۆشەگیریی ڕابەر ئاپۆی ومشۆم خاوەنداریی جە ئازادییەکەیش کەرا، تا خاوەنداری جە ئازادیی گەلەکەیشا کەرا."
'دەسەڵاتی کوردی خەریکا بۆ بە بەشێوە جە سیاسەتوو بێشناسنامەکەردەی گەلوو کوردی'
تارا حسێنە هامسەرۆکەو تەڤگەروو ئازادیی بارەو سیاسەتوو ئارۆو دەسەڵاتیوە وەراوەروو گەلوو کوردی، دۆخەکەی فرە بە خۆفناک وینێ و ئرماناش کە ئینە بەشێوا جە هەوڵاو بێشناسنامەکەردەی گەلوو کوردی دلێ پانیشتوو کوردستانینە و واتش:" ویەردەنە و ئیساتێچنە سوریانە و تورکیانە و ئێراننە هەمیشە هەوڵێ دریێنێ، کە کورد بێشناسنامە بازیۆوە، بەڵام کارەسات ئینا چانەینە کە ئارۆ بە نامێ کۆمەڵێ ڕێککەوتەیۆ دەسەڵاتی کوردی پانیشتوو کوردستانیچنە بییەن داردەسوو ئا هەوڵا کە پاسە کەرا، کورد بێشناسنامە مەنۆوە، تاکە چارەسەر پەی کێشەیە ئانەن گردوو هێزە ئازادیواز و وەڵاتپارێزن و ساعیب بڕاواکا، بە ئازادیی ژەنێ بەیا لاو یۆی و پێوە خەبات کەرا دژوو ئی بێشناسنامەکەردەیە."
حەرپاسە واتیچش کە پێویسا کورد بە ڕۆحیەتوو ئەدایاو زاگرۆسیوە دژوو ئا هجووم و ئەرەگیرییا مردۆوە و ئەرەیاوناش:" با کەس تەسەور نەکەرۆ تا ئاخر متاوۆ وینەروو شۆڕشوو خەباتکارا بۆ، حەرچێوێ شتکستێوە بۆ بە شکستوو گەلی و لاوازش کەرۆ، مشۆم گرد لایێ چی خەباتەنە پا ڕۆحییەتوو ژەناو زاگرۆسیوە ڕووبەڕوو بە حەر هەوڵێوە دژ بە گەلەکەیشا باوە."
'ئازادیی ڕابەر ئۆجەلانی، ئازادیی گەلوو کوردین '
تارا حسێنە هامسەرۆکوو تەڤگەروو ئازادیی بارەو هەوڵەکاو دەوڵەتوو تورکی ئەرەگیری و پەدەکەی دژ بە خەڵکوو پانیشتی بە ئاژانسوو هەواڵیما واتش"بە بڕواو ئێمە دووێ خەتێ ئیساتێنە هەنێ وەڵاتپارێزنی و خیانەتکاری، بەداخۆ کە بەشێوە جە هێزە کوردییەکان بیێنێ خیانەتکارێ و شۆڕشگێڵنێچ ئینێ هەوڵێ وەڵاتپارێزنینە، ئی دووە خەتێ ئیساتێنە پەی فرەو خەڵکی ڕۆشن بیەنۆ، خەتەو خیانەتکاریی گردوو دەسکەوتەکاو گەلوو کوردی بە تارێخەکەیشۆ تەسلیم بە ئەرەگیرا کەرا، وەراوەریچنە خەتەو وەڵاتپارێزنی چوارچوەو سیستمێوە قەتیسی پێسە سەرمایەداریینە متاوۆ ڕاپیماێوە پێسە ڕاپیمای کۆڵنی پەی چارەسەروو کێشەو کوردی وەش کەرۆ و سەدان هەزار کەسێ بارۆ سەروو جادەکا و عەرشوو هێزە ئیمپریالیستەکا و دەسەڵاتی سەرمایەداری لەرنۆوە."
