جە ساڵیاڎو چالاکییە گۊرەکەیشەنە گەریلاکې یەژا ستاری یاڎو ٢٩ ساڵەو گەشمەرڎەبیەو گەشمەرڎە زیلانې (زەینەب کناجی)ێشا کەرتدۆ و دەسنیشانشا کەرڎ چالاکییەکەو گەشمەرڎە زیلانې بەرهەمو ئەنەیاوایې عالین جە ڕابەرایەتی و جەختشا چانەی کەرڎۆ کە پەی هەمیشەی هێڵۊو گەشمەرڎە زیلانې بەبنەما گێرا.

'چالاکی سەرجەنۆ ژیۋایۆ بې'

گەریلې یەژا ستاری، ژیندا زەردەشتە جە کەسایەتیی زیلانېنە گرڎو گەشمەرڎا ئازادیش یاڎې ئاوردې سەبارەت بە ماناو چالاکییەکەو گەشمەرڎە زیلانې واتش، "هەڤاڵ زیلانە جەنگەوانێوە یەک ساڵەی بې. جە مودې کەمەنە ڕابەرایەتیش ئشناسا و ڕووەش کەردە چالاکیێوە گۆرە. هەڤاڵ زیلانە هەرپېسە ڕابەرایەتی واتش، زیلانە چالاکیی دمیئاردەی بە ۋێش نەکەرڎ، بەڵکم چالاکییەکەش چالاکی سەرجە نۆ بنیاڎنیایۆ ژیۋای بې. پەی ژیۋایې ئازادی ئی چالاکییەشە کەرد."

ژیندا زەردەشتە واتش، "ئێمە پېسەو گەریلاکا یەژا ستاری هەمیشە هێڵۊو هەڤاڵ زیلانې بە بنەما گێرمێنە " و ئاماژەش پانەی کەرڎ، ئی هێڵې هێڵۊو ئەنەیاواینە جە ڕابەر ئاپۆی.

'زیلانە هێماو ڕۆحې ئازادینە'

هەرپاسە یووەتەرە جە گەریلاکاو یەژا ستاری، ڤیان دڵسۆزە گەشمەرڎە زیلانەش یاڎە کەردۆ و واتش: "چالاکیی هەڤاڵ زیلانې ئەرەگیرش وست دلې شۆکێوە گۊرەیۆ. کاتێ ویرش چنە مکەریۆ جە ۋێت پەرسینە، 'هەڤاڵ زیلانە چنی تاوانش چالاکیێوە ئاڼنە گۆرە بکەرۆ و تەعاجوب مکەری، بەڵام میاوینە کە ۋەروئانەی هەڤاڵ زیلانە بەڕاسی جە ڕابەرایەتی یاوێبێنە، پۊکەی چالاکیێوە ئاڼنە گۆرەش کەرد."

ڤیان دڵسۆزە سەرنجش وست سەرو کاریگەریی ژیۋای گەشمەرڎە زیلانې و واتش، "هەڤاڵ زیلانە پەی ژیۋای ئێمە هێماو ڕوحێوە ئازادینە، هېماو ژیۋای ئازادینە، هێماو ۋې بیەینە. پەنەوازا هەریۆ جە ئێمە ۋێش بکەرۆ بە زیلانە، ئینەیچ بە ۋەنایۆ و ئەنەیاوای جە ڕابەرایەتی بۆ."