تەڤگەروو ئازادیی بە بۆنەو ساڵیادوو گەشمەردەبییەی ئەنداموو کۆنسەو سەرۆکایەتیی گردینوو کەجەکەی و ئەنداموو کۆمیتەی ناوەندی پەکەکەی هەڵمەت گابار (دیار غەریب)یوە، کە ٥ و تەمووزو ٢٠١٩ گەشمەردە بی، لەندەننە چالاکیێوەنە یاد کریاوە.

یاگێ یادەکەی بە ڕسماو گەشمەردە هەڵمەت گاباری ڕازنیاوە، ئەنداماو تەڤگەروو ژەناو کوردی دەوروو دەوروو ڕسمەکاو گەشمەردە هەڵمەتینە مۆمێشا گیسنێنە، چالاکییەکە بە دەیەقێوە ڕێزگێرتەی وەنەو گەشمەرداو ئازادیی کوردستانی دەسش پەنە کەرد.  

یادەکەنە سینڤزیۆنێوە دەربارەو ژیوای گەشمەردە هەڵمەتی نیشانە دریا، درووشموو "گەشمەردێ نمەمرا" و "بژیوۆ سەرۆک ئاپۆ"ی بەرزێ کریێوە.

نوێنەروو کەجەدەکە-پانیشتی شوان هەڤاڵ و مەجلیسوو گەلوو کوردینە ئەرجان ئاکبال قسێشا کەردی. ئاماژەشا کەرد، کوردستانەنە خەتەی قارەمانییە و خەتەو خیانەتی هەنێ، ئەوەخوای کریاوە هەڵمەت گابار تەماموو گەنجییش پەی دژایەتیی خیانەتی و هامکاری تەرخان کەرد و سەرمەشقایەتیی مدرامانیش کەرد. جەخت کریاوە دڵسۆزیی گەشمەردە هەڵمەت گاباری پەی ڕابەروو گەلوو کوردی عەبدوڵا ئۆجالانی جوان بێ، پاگێرتەیرەیش بی مایێ مایەی ژیوایوە خەتەو ئازادیی پانیشتوو کوردستانینە.

چالاکییەکە بە چەپڵێ و درووشمێ دماییش ئاما.