نەورۆزوو قەندیلی پێسە گرڎوو ساڵەکا تەری دیسان مۆرەو ۋێش جە تاریخوو کۊشیای ئازاڎیی دا. مەراسیمەکە بە دروشمەو ' ئازاڎیی پۍ رابەر ئاپۆی. چارەسەری پۍ پرسوو کوردی' بە جۆش و خرۆشێوە فرۆ پیرۆز کریا و پەیاموو ۋێش یاونا.
گرڎ ساڵێ بناروو قەندیلینە کە لانکەو چنڎین خەباتا و کۊشیایا ئازاڎیی گەلوو کوردی بیەن، چنی ئامای گەریلای پۍ وای ئێروو نەورۆزی چا گەش بیۆ و ساڵ دماو ساڵی ئێرەکە گەشتەر و بە تینتەر بی.
نەورۆزوو قەندیلی ئێساڵیچ سەرەڕاو ئاستەنگ و کێشەو کەشوهەوای و حۊڵەکا جەنگی تایبەتی کە واچێنۍ گەل بەشداری جە نەورۆزوو قەندیلینە مەکەرا، بە بەشداری سەڎان کەسا بە جۆش و خرۆشۍ فرۆ پیرۆز کریا.
نەورۆز جە چوارچێوەو هەڵمەتەی جەهانی 'ئازاڎیی پۍ ئۆجالانی، چارەسەری پۍ پرسوو کوردی' بە دروشمەو ' ئازاڎیی پۍ رێبەر ئاپۆی، چارەسەری پۍ پرسوو کوردی' پیرۆز کریا و پەیاموو ۋێش یاونا.
چی مبارەکباییانە ساتۍ رەنگاورەنگ و پڕجۆش و خرۆشۍ ئامۍ کایۆ و ئێمە گۆشێوە چا ساتاتا پۍ فاڕمێوە.
