پەرلەمانتارو وانی دەم پارتی گوڵجان کاچماز سایگیتە هورسەنگنایش پەی ئا رەخنا کەرد کە کریێنێ سەرو کۆنفرانسو یەکڕیزی کوردیی جە وەرنیشتەنە و واتش: "ئامانجو کۆنفرانسەکەی دوورا جە پارچەکەردەی، بە پێچەوانە پەی بنیادنیاو پێوەرە ژیوای هامبەشا."
کۆنفرانسو یەکڕیزی و یەکهەڵوێسی کوردیی جە ٢٦و نیسانینە جە قامیشلۆ ئەنجام دریا، شاندو پارتی یەکسانی و دیموکراسی گەلا (دەم پارتی) و پارتو هەرێمە دیموکراتیکەکا (دەبەپە)یش بەشدارێ بیێ. دماو کۆنفرانسەکەی ئیدارەو دیمەشقی واتش "تا ئا کاتە کۆدەنگییەکێ نیشتمانی چێرو نامێ فیدراڵیزمی و وێڕاوەبەرینر ئەرەنەمەزیانە، بە ئاشکرا هەوڵدای پەی بنیادنیاو کانتۆنی جیاوازی یان جیاکاری ڕەتمکەرمێوە." بێگومان دۆڵەتو تورکیچ حەر جە سەرەتاوە جە ڕاو وەزیرو چبەرو تورکیای هاکان فیدانی بە ئەرەیاونێوە دەربارەو کۆنفرانسەکەی ڕاستەوخۆ یەکینەکێ پارێزناو ژەنه (یەپەژە)ی بە ئامانج گێرت.
پەرلەمانتارەو وانی دەم پارتی گوڵجان کاچماز سایگیتە کە یۆ بێ جە ئەندامە و شاندەکەی، ئاماژەش پانەیەدا کۆنفرانسەکە گرنگیێ تاریخیش هەن، ئا ناڕەزایەتیێ جە دژو بەیاننامەکەی کە وەڵاکریێوە هورسەنگنایش پەی کەرد.
بناغەو ژیوایێ هامبەش
گوڵجان کاچماز سایگیتە ئاماژەش پانەیەدا کۆنفرانسەکە بەرهەموو هەوڵدایێ فرەین و واتش: "کۆنفرانسەکە سەرەڕاو جیاوازی هزری، ئایدۆلۆژی و پارت سیاسییە جیاوازەکاش گلێر کەردۆ. حەر پۆکەی ئی کۆنفرانسە بە وشێ ئاڵتونیێ جە تاریخە نویسریێوە. جە کۆنفرانسەکەنە جگە جە ئەنەکەسەی، یەنەکە و پەدەکە ئێمەش هەم پێسەو شاندو پارتەکەیما و هەم بە نامێ دەبەپەی و تەژەئای چاکە بێنمێ.
پێشئامێ ئەرێنیێ و کاریگەر سەرو چواربەشو کوردەسانی نریۆرە
گوڵستان کاچماز سایگیتە ئاماژەش پانەیە کەرد پێشئامیوە ئەرێنی کاریگەر سەرو چواربەشو کوردەسانی نریۆرە و واتش: "پەی نمونەی کاتێ تەماشە و سەرنیشتوو کوردەسانی مکەرمێ، حەقیقەتو گەلێوە کە ١٠٠ ساڵێن جە خاکو وێشنە نکۆڵیش ونە کریۆنە وینمێ. ئینە حەقیقەتا گەل بە زوان، کلتوور، تاریخ و شوناس حساب مەکریۆ، بەڵام سەرەڕاو ئانەیچ ئەوەکۆشایێ سەدساڵە هەن. بە تایبەت چی ٥٠ ساڵە و دماینە یاوا لوتکە، کاریگەری بانگەوازە تاریخییەکەو ئاشتی و گلێرگەو دیموکراتیکو ئێژا عەبدوڵا ئۆجالان کە جە ٢٧و شوباتینە کەردش وینمێنە."
سەردانەکەما شاراوە نەبێ
گوڵجان کاچمازو ناڕەزایەتییەکێش سەرو کۆنفرانسەکەی و سەرو کوردا وەرنیشتی هورسەنگنا و واتش: "سیاسەتو تورکیای بییەیش هەن کە وەرنیشتی پێسەو هەڕەشێ وینمێنە، بەڵام مشۆم ئیتر ئینە ویەرۆنە. کوردێ سەرنیشتوو وەرکەوتوو سوریاینە هەوڵمڏانە چنی گرڏو گەلا ژیوایێ هامبەش بنیاد بنیا.
لێوە تەرۆ سەردانەکەما شاراوە نەبێ. بەشداربییەیما شاراوە نەبیینە. چونکە دماو بانگەوازەکەو ئێژا ئۆجالانی جە پانیشتەنە بڕێ
گلێرۆبیێما ئەنجام دێ. جە فرۆکەخانەو تورکیای لوایمێ هەولێر و دماتەر وەرنیشت. گلێرۆبییەکێما سەرو پەرەی ڕەسمی دیجیتاڵ میدیای وەڵاکەردۆ.
مەڵامەتو لوایما پەی وەرنیشت و گلێرۆبییەیما چاکە ئەنجام دا ئانە بێ زانمینە نزیکایەتی کوردا جە وەرنیشتەنە، پەی ئا پڕۆسەیی جە تورکیانە دەسش پنەکەردەن چنینا؟، بانگەوازو گلێرگە و دیموکراتیکی چنین هورسەنگندێنە؟، شانسێوە گۆرە بێ پەی ئێمە کە ئی کۆنفرانسە ئەنجام دریا. بە ڕاسی پەی ئێمە فرە یاگێ وەشخاڵیی بێ ئا ڕووەی چاکە بێنمێ و بییەیمێ بە گەواهیدەرو ساتێوە تاریخی.
دەربارەو ئەرەیاوناکەو ئەحمەد شەرع و هاکان فیدانی دماو کۆنفرانسەکەی گەرەکما واچونە ناوەڕۆکو کۆنفرانسەکەی دابەش بییەی وەش مەکەرۆ یان پەی تورکیای هەڕەشێ مەبۆنە. سیاسەتێ کە باس جە پرۆسەو ئاشتی چنی کوردا جە سنوورەکا وێش بکەرۆ، باس جە هەوڵدای پەی بنیادنیاو ئاشتی بکەرۆ و جە دژو کوردا سنوورەکا وێش دوژمنایەتی کوردا بکەرۆ، هیچ ئیسفادێوەش پەی تورکیای مەبۆنە."
ئەوەکۆشایێ جدی بە سەرمەشقایەتی ژەنا هەن
دماین و قسەکاشەنە گوڵچان کاچمازە واتش: "باسو بەشێوە مکەرمێنە کە ئەوەکۆشایێ جدیش بەر وستەن. ئی مڏرامانە بە شێوێوە بە هێز ئینا سەرو پێوە، پەی نمونەی لوایمێ ڕەقا، کاریگەرییەکێ جەنگی جە گرڏ یاگینە وینریانە. ئەوەکۆشای بە سەرمەشقایەتی ژەنا گرڏ یاگێنە هەن و هەڵوێسی فرە شکۆمەندانە نیشانە دریۆنە."
