ئاهەنگو نەورۆزو ئەنقەرەی بە درووشمو "ئەرەپڕە وەختو ئازادی و سەرکەوتەین" مکریۆ. هەزاران کەسێ بەشدارێ بێنێ. گەنجێ و ژەنێ بەشداریێوە وەرەچەمشا کەرد، هاموەڵاتێ فرە ورپڕێ، درووشمو "بژیوۆ سەرۆک ئاپۆ"ی و "ئازادیی پەی زیندانیا"یشا بەرز کەردۆ.

دماو دەیەقێوە ڕیزگێرتەی وەنەو گەشمەرداو کۆشیای ئازادی و دیموکراسی. چا وەختنە درووشمو "گەشمەردێ مەمرا"ی بەرزێ کریێوە. ئاهەنگەکەنە نامەو کاندیدو دەم پارتی پەی هامسەرۆکو شارەوانیی شاری گەورەو ئەنقەرەی، گوڵتان کشاناکێ ونیاوە.  

نامەکەو کشاناکێ ئەندامو لوجنەو ڕاوەبەرو ناوەندو دەم پارتی جانان چالاگانی وانوە، دلێشنە نەورۆزو ژەنا و گەنجا و گەلی مەبارەک کریا و سلام وەنەو ئەنقەرەی کریا. کشاناکە واتش شمە چێ کوێ بیێندێوە تا بواچدێ  "ئەنقەرە هینوو گەلین نەک هینوو سەردەسا". کۆبیییۆکەی تا جۆشو ٨  ئاداری و نەورۆزی بفاراوە پەی سەرو سندۆقەکاو دەنگدای. کشاناکە داواش وەنەو ئەنقەرەی کەردە: "بانگەواز  و ئیرادەو نەورۆزی ڕۆشن بێ، ئەرەپرە ئەنقەرە و ئازادی و سەرکەوتەی دەس وزە. ئەرەپڕە ئەنقەرە وەختو ئاشتی گلێرگەی ئامان ".