جە شارو هانۆڤەرو ئەڵمانیاینە مەراسیمێوە جەماوەری پەی بەرزڕاگێرتەی یاڏو گەشمەرڏا تشرینی و تاتەو تەیاری کە بەمەڵامەتو هرووژمەکا دۆڵەتو تورکی ئەرەگیری گەشمەرڏێ بیێ، ڕێکوزیا.

جە مەراسیمەکەنە کەسوکار و دۆسا تاتە و تەیاری و گەشمەردێ تەرێ مڏرامانو تشرینی ئامادێ بێنێ. مەراسیمەکە بە دەقێوە ڕێز ونە نییای دەسش پنەکەرد.

جە مەراسیمەکەنە خۆشناو عەتا هامسەرۆکو کۆماوی، ئەنداما پەیەدە و، تەڤ-چاندی، یۆبییەی ئێزدییا و قۆمێ ئا شۆڕشگێڵا جە تشرینەنە گەشمەرڏێ بیێ قسێشاکەردێ و قەولو بەردەوام بییەی سەرو ئامانجو گەشمەرڏاشا واوەی کەردۆ و جەختشاکەردۆ چانەی تا ئازادی جەسەی ڕابەر ئاپۆی و درووسکەردەو ستاتۆو کوردی بەردەوامێ بانە جە کار و خەباتی.

جە مەراسیمەکەنە سینەڤیزیۆنێوە دەربارەو ئەوەکۆشای تاتەو تەیاری و گەشمەرڏا تەرێ تشرینی نیشانەدریا.

مەراسیمەکە بە بەرزکەردەیۆ درووشمەکا" بژیوۆ سەرۆک ئاپۆ"، "گەشمەرڏۍ مەمرانە" و "بژیوۆ مڏرامانو وەرنیشتی" دمایش ئاما.