وێرەگاو ئارۊ یەکشەممەی١٨- ٦- ٢٠٢٣، جە وێرەگانێوە جوان و جیاوازانە، ڕاوەبەرایەتیی گرڎینوو ڕۊشنویری و هونەریی هەڵەبجەی بەهامبەشیی ڕێکوزیاو دۊساو هەڵەبجەی، مەراسیموو ئشناسای و وەڵاکەرڎەیۊ هەردووە کتێبا مێژووی میوزیک لە هەڵەبجە جە نویستەی مامۊسا ئازاد ساڵحی و دیوانەشیعروو دیار هەڵەبجەیی، جە کەشێوە هونەری و مۊسێقینە بەرد ڕاوە.

ئەوەڵۊ و دماو واچەو خێرامای و ساتێوە مرڎای پەی گیانوو پاکوو گەشمەرڎا، مامۊسا کۊچەر میرزا واچەو ڕاوەبەرایەتیی ڕۊشنویری و هونەریی هەڵەبجەی و ڕێکوزیاو دۊساو هەڵەبجەییش واناوە. دماتەر مەریوان سەلاح وانایۊش پەی کتێبوو مێژووی میوزیکی جە هەڵەبجەنە کەرد و ئارام شەمێرانی وانایۊش پەی دیوانوو دیار هەڵەبجەیی کەرد و دماتەریچ بە گۊرانییاو هونەرمەندا وێرەگاکە موسیقی کریا، ئینە جگە جە نمایشێوە دیکۊمێنتاری جە ژیواینامە و دیار هەڵەبجەیی و ئا شیعراشە کە کریێنۍ بە گۊرانییۍ، دماتەریچنە مەراسیمەکە بە ئیمزاکەرڎەی کتێبەکا لاو بنویساوە پەی بوانا دماییش ئاما.

یاگۍ واتەینە هەریۊ جە هونەرمەندا ئاریان کەریم، سیروان لهۊنی، زاهیرجەلال، ئازاد محموود، خالید عومەر بەشدارۍ مەراسیمەکەی بێنۍ.

س.ز