ئەیۆب ڕۆسەم ڕاوەبەروو مەڵبەندوو ڕۆشنویریی هەورامانی وەڵاش کەردەنۆ، کە مەڵبەندەکەشا بە هامبەشیی ناوەندوو مەردۆخی و مەڵبەندوو ڕۆشنویری و کۆمەڵایەتیی ساداتوو پیرخدروو شاهۆی، بە ناموونیشانوو "مەڵا حەسەنوو دزڵیێ هەڵۆیێ عاسمانوو نەمەردەینە" دیداروو مەڵا حەسەنوو دزڵیێ شاروو سلێمانینە کەرا.

بە پاو ئانەیە کە جە ئرماننامەو دیدارەکەینە ئامان دیدارەکە دیدارێ زانستین سەروو ژیوای و بەرهەمەئەدەبییەکاو شاعیری ملۆ ڕاوە، کە وێش جە دوێ پانێلانە وینۆوە ڕوێنە و دوێ تاقێنە سەرسەعب و وێرەگانە کە دلێشنە پەنج ئەوەکۆڵنێ و مامۆسێ زانکۆی هەورامانوو وەرکەوتی و پانیشتینە سەروو دنایوینیی ئەدەبی و زانستی مەلا حەسەنوو دزڵیێ قسێ کەرا، یاگێ واتەینە دلێ واچەو دیدارەکەینە ئەرمانینان کە " مەڵاحەسەنوو دزڵیێ زانا- دانا، شاعیرێوە گەورەو گەلەکەیمانە وهەرچن بواروو زانستی و شیعرێنە کەسێوە کەمنموونە بییەن وەلێ تا ڕاددێوە گومناما و ڕۆشنایی نەوزیان سەروو تاریخی و بەرهەمەکاش ئی دیدار هەوڵێ دڵسۆزانێنە پەی شڵەقنای گومەو بێدەنگیی بوارەکەنە.

یاگێ واتەینە شاعیر زاتێوە نامیە و چەنەئاما و داراو مەعریفەی زانستی و ئەدەبیی کەموێنەن و پا شاعیرەی ئشناسیان کە حەرگیز سەرەش پەی زوڵمی نەکۆمنانرە و سەرەمڕ مدراماننە بییەن و شیعرێوەشنە ماچۆ:

من هەڵۆی لووتکەی بەرزی داڵانیم

هەرگیز وەک قاڵاو، ناکەومە چینە

حەسەن بۆ مەقام نۆکەری ناکا

سەد جار ڕیامە، ئەو جۆرە ژینە!

 دیدارەکە ڕۆو شەممەی ٢٤-٢-٢٠٢٤ سلێمانیینە، هۆڵوو ساداتوو پیرخدروو شاهۆی، گەڕەکەو کوردساتینە کریۆ.