کۆڵننە بە کۆنفرانسێوە ڕۆنامەوانی قۆناغوو دووەموو هەڵمەتەی گەردوونییێ دەسش پەنە کەرد.

هەڵمەتەی گەردوونییەو ئازادیی پەی عەبدوڵا ئۆجالانی جە ١٠ تشرینوو یوەموو ٢٠٢٣ نزیکەو ١٠٠ واڵاتانە دەسش پەنە کەرد.

کۆنفرانسە ڕۆنامەوانییەکەنە ئەرەیاونیا، هەڵمەتەکێ جە ١ئاداریوە تا ١ گوڵانی بەردەوامە بۆ.

کەجەدەکە-ئە پێسە بەشێوە جە هەڵمەتەکێ کۆنفڕانسە ڕۆنامەوانییەکەنە ئەرەیاوناێوەش واناوە.

کەجەدەکە-ئە سوپاسوو گردوو بەشدارا و هامکاراو هەڵمەتە گەردوونییەکێش کەرد و ئەرەیاوناش ئینە بەرش وزۆ، کە ڕابەروو گەلوو کوردی عەبدوڵا ئۆجالان تەنیا ڕابەروو ئێمە نییا، بەڵکوم ڕابەر و هومێدوو گردیمانە، ئینەیچ هێز و مۆراڵێوە گەورەش بە ئێمە بەخشا.

کەجەدەکە-ئە واتش کۆبییەیۆکەو کۆڵنی پەیامی گرنگ دریان بە کۆنسەو یۆبییەی ئەورووپا و بەتایبەت ئەڵمانیای، ماچۆ: "پێویسا کۆمیسیۆنوو یۆبییەی ئەورووپای، سەرۆکوەزیران سکۆڵز و وەزیروو بەری باربۆک، ئەگەر گەرەکشا نیا با بە هامبەشوو تاوانەکاو ڕژێموو ئەردۆگانی، مشۆم پەی کەردەیۆ بەرەکاو ئیمراڵی دەورشا بۆ. ئیتر تۆلێرانسوو سۆسیال دیموکراتیکی و حکومەتی سەوز پەی ڕژێمی فاشیستی، مایێ قبووڵکەرەی نییا!".

کەجەدەکە-ئە ئەرەیاوناش ئانە کە تا ئیساتێ کریان پێسە قۆناغوو ئەوەڵی پێسە هەڵمەتەی گەردوونیێ ئشناسیان و ماچۆ: "ئانە سەرەکی و گرنگتەرا خەباتی دووەما، کە چێولای، یانێ جە ١ ئاداریوە دەسش پەنە کەرمێ. بێگومان ڕژێموو ئەردۆگانی ناچار کەرمێ، بەرەکاو زیندانوو ئیمراڵی کەرۆوە، کە ڕابەر ئاپۆش دلێنە گیریان. ئی ڕژێمە قێزەون و ستەمکار و دژە گەلەو ئەردۆگانی تەماموو جیهانینە ڕیسوا کەرمێ.

ئارۆوە، ٨ ئاداری ڕۆو جیهانیی ژەنە کرێکارا، ٢١ ئاداری نەورۆز، ٢٨ ئادار ڕۆو قارەماناو نەتەوەیما، ٤ نیسان ڕۆو پەیدابییەی ڕابەر ئاپۆی، یانێ ڕۆو ژەنەو کوردی ئازادی و گەلوو کوردی، ١ گوڵانی ڕۆو کرێکاراو جیهانی، بە جەختکەردەیۆ چی هەڵمەتە گەردوونییێ و بەرزکەردەیۆ درووشموو "ئازادیی پەی ڕابەر ئاپۆی، چارەسەر پەی پەرسەو کوردی" لاو ملوێنا گەلوو ئێمەوە مەبارەک کەرمێ و یادش کەرمێوە.

ئاخرۆ بەبۆنەو ورچنیەیە وێمانەکاوە وەڵاتنە، داوا وەنەو گردوو گەلەکەیما کەرمێ، کە فیداکارانە و چالاکانە بەشداریی هەڵمەتەو ئازادیی گەردوونی کەرا.

سپاستان کەرمێ و سەرکەوتەی پەی گردیتا موازمێ".