تەڤگەرو ژەنا ئازادی (تەژەئا)ی و دەسوەڵێوستەی ئەڎایا ئاشتی جە چوارچێوەو ڕۊو ئەڎایانە جە بیناو ناوچەو باگجلاری پارتو یەکسانی و دیموکراسی گەلا (دەم پارتی) کوۍ بیێوە و مەراسیمێوەشا ڕێکوست.

جە مەراسیمەکەنە لافیتەو " ئاشتی بە قیمەتتەرین سەوقاتیا پەی ئەڎایا" هۊرواسیا. جگە جە ئەنداما ژەناو تەژەئای و ئەڎایا ئاشتی، بەشێوە فرە جە ژەنا و ئەنداما ئەنیاکای-دەری (ANYAKAY-DER) بەشدارۍ مەراسیمەکەی بێنۍ.

جە مەراسیمەکەنە هۊنیێکۍ ڕابەر ئاپۆی ۋنیاوە کە پەی زاوڵاش نویستەن. جە هۊنیێکۍ ڕابەر ئاپۆینە ئیلهامش چا ناماوە هۊرگېرتەن کە زاوڵۍ پەیشا کیاستەن.

هۊنیەکۍ ڕابەر ئاپۆی پی جۊرەنە:              

"پەی گرڎو زاوڵا...

سەرسەعبەنە ئاشنۍ یۊترینی بیەیمۍ

کاتێ بەرە سەرد و ژەنگاوییەکە کریاوە

پیسە گرڎ وەختۍ پاسەوانەکە ئاما چووەرو بە جەمۍ ڕۆنامېوە

پەرسام؛ ئارۊ نامە ئامان؟

چێرو لچاوە واتش؛ ١٩٥ نامۍ ئامێنۍ

١٩٥ نامۍ، جە هەرنامێوەنە ١٩٥ زاوڵۍ.

ئارۊ پېوەرە مېمانۍ منەنۍ

دلۍ ئی چوار دیوارەینە

زاوڵەکا! خێرئامایدۍ؛

ولی و گوڵزارتا چنی ۋێتا ئاوردەن.

هەمڕایا دڵفراوانم

بە ولەکاتا ژوورە تاریکەکەمتا ئاوەڎان کەردۆ

بە بووەو وەهاریوە ئامایدۍ

گرڎو ڕەنگەکاتا ئامێزان بە وەهاری کەردۍ

بووەکەردەی زاوڵا

جە ئامێزگېرتەی یۊ بە یۊیشا

دماتەر تەماشەو ڕۆنامەکام کەرڎ

چەمېم کۊتۍ سەرو گۆشێوە

وێنەگەلێوە ڕیزکریۍ

ئانە زاوڵۍ ڕحاینۍ

سەرو خاکی سیاوی و چەرمەی

زاوڵۍ هەمیشە چەرمۍ

ڕیزشا بینان

جە هەر سەرنجێنە وشێوە، کردارێ

سەرەڕاو گرڎو گولانەیێشا؛ جەهانێوە

دوور و درێژ تەماشە کەرە

ۋێم خزنا ئامێزو زاوڵاوە

ماواو ١٩٥ زاوڵا

چنی ئا زاوڵا لووانی

پەی گرڎو زاوڵا جەهانی

ئا سەرنج و ئا ڕۆمانە بێ ناما

ئارۊ دەسە گولانەکۍ بیۍ ڕاو هەڤاڵام

دەسم وست دلۍ دەسو زاوڵاوە

یاونانیشا بە ئازادی ئاسمانەکا

ئازادی پاڎیشاوە دەسپنەمکەرۆ و پاڎیشاوە دمایش مۍ

ئارۊ بووەو خاکی و وەهاریم جە ئامێز گېرت

هەروێش من هەمیشە زاوڵە بێنا

جە جەهانو زاوڵانە شاراوە بێنا

کاتێ چنی هۆگرییە گولانەکامەنە لوابێنە دلۍ گفتوگۆیۍ قوڵی

بەدەنگو بەرەی ئاسنینی چڵاکیانیرە

تەنیا سەعاتێوە بۍ کاتو هەناسە هۊرلوشتەی

بە هەنگامەی یۊ دماو یۊی

چا قوڵنگانەی جە ئاسمانەنە هۊرفڕا

دەسم پەیشا بەرزکەردۆ و جە دڵو ۋێمەنە واتم 'سڵام'

قوڵنگینە سڵامم بیاوندۍ پا ١٩٥ زاوڵا

بە زاوڵا واچدۍ

با ۋێشا زانا و هۆشیار بکەرا

سڵامەکەیم بیاونە بە ئەڎایا و تاتەکا

با ڕۆڵەکاشا بە ئاورایی نازاوە

واچدۍ قوڵنگینە واچدۍ

واچدۍ ماچو گرڎو زاوڵا ڕحای مکەرو

سڵامم بیاونە بە گرڎو زاوڵا و پنەشا واچە ڕابەر پەی شمە مژیۋۆ

پنەشا واچە فرەم وەشۍ مسیا

پنەشا واچە چەمۍ گرڎی ماچ مکەرو

ڕابەرایەتی."

دماو ۋەنایۆ هۊنیێکۍ، جە تەلارەکێنە درووشمۊو "بژیۋۆ ڕابەر ئاپۆ" دەنگش داوە.

*قوڵنگ (قازەی دەشتی)یەنە باڵندێوە چەرمەن و جە وەرزەکانە کۆچ مکەرۆ، چنی ئامای وەهاری رووە مکەرا دەشتەکا کوردەسانی.