ناوەندو ئەرەیاۋنای و چاپەمەنی هەپەگەی بە ئەرەیاۋنێوە، گەشمەرڎەبیەو فەرماندە شیار عەفرینیش  ئەرەیاۋنا و واتش: "یەكێک جە جەنگاوەرە وەڵینەکا پەکەکەیما، فەرماندەی کۊششکارما هەمڕا شیار عەفرین جە مانگو تەمموزو ٢٠٢٤ینە جە هەرێمەکاو پارېزناو مەدیاینە جە ئاکامو هرووژمۍ دژمنینە گەشمەرڎە بی."

جە بەردەوامی ئەرەیاۋناکەینە ئامان: "هەمڕاما شیار پەروەردە سەرەتاییەکۍ ۋێش جە ڕابەر ئاپۆیۆ هۊرگێرتۍ و هەنگامەی شۆڕشگێڵنیەو ۋێش دەسپنەکەرڎ. جە کەشەکا زاگرۆسیوە تا کەشەکا بۆتانی، وە جە چڼین هەرێمۍ و ئەیالەتۍ کورڎەسانینە گەریلایەتیش کەرد. بە ئەزموونو ساڵانەو ئەرەکۊشایشۆ، جە فەرماندارینە قوڵبیۆ و ۋەرپرسیاریش گێرت ئەسۆ. خاکەڕای و میلیتانی ئاپۆیش جە کەسایەتی ۋێشەنە وەشکەرڎ و ڕاو ۋێش جە زېڵۍ هەمڕاکاشەنە کەرڎۆ. هەمڕا شیار کە شۆڕشگێڵنیش جە سەردەمە سەختەکانە، دەرفەتەقورسەکانە بە ۋەرپرسیاریۆ گێرت ئەستۆ، گرڎ ئەرکێوەش جە ئەرەکۊشای ئازادی گەلەکەیمانە بە عەشق، واڵە و برایۆ یاونا مەنزڵ. میلیتانی ئاپۆیش بە ئەساس گێرت و جە جەنگەوانیۆ تا ئەندامو فەرمانداری هەرێمی، ئەیالەتی و جە گرڎ مېڎانێنە ئەرکش ڕاوەبەر کەرڎ. فەرمانداری مڎرامانوو ڕاوەبەری خۆسەریش کەرڎ کە یۆن جە قولەپۆپەو ئەرەکۊشای ۋێپارێزنای گەلەکەیما. جە سەرەتاو ئەرەکۊشایشۆ تا دما ڕۊو ۋێش جە مڎرامانە تاریخیەکانە بەشداریش کەرڎ و بی بە سیمبولو ئازایی و میلیتانی فیدای ئاپۆیی. هەمڕاما شیار جە هەنگامەو شۆڕشگێڵنی ۋێشەنە ماوەو ٣٠ ساڵا شۆڕشگێڵنێوە قەوەت، بە هەڵوێسۍ دڵنیایی و باوەرداریێوە بەرزۆ  ڕاوەبەریش پەی سەرکۆتەی کەرڎ و جە غیرەتو ۋێشەنە هیچ وەختۍ پەشیمان نەبیۆ و گەشمەرڎە بی.

ڕاپیماو ٣٠ ساڵەو فەرماندەی فیدای هەمڕا شیاری گرڎ کاتێ جە لایەنو جوانا ڕەسەنو کورڎی و هەمڕاکاشۆ بە نمونە هۊرمگیریۆ و بەدڵنیاییوە هەنگامەو ئازاڎیی کورڎەسانیما میاونا بەسەرکۊتەی. کە فەرماندە شیاریچ پەی ئا هەنگامۍ گرڎو ژیۋای و گیانو ۋێش فیداکەرڎ.

سەرو ئا بنەمایۍ سەرەوەشی ۋێما پەی بنەیانەو هەمڕا شیاریما، گەلوو عەفرینی و گرڎو گەلوو کورڎەسانی وڵاتپارێزنیما بەربڕمۍ.

زانیارییەکۍ دەربارەو فەرماندە شیار عەفرینی پی جۆرەنۍ:

ناسنامۍ: شیار عەفرین

نامۍ و دما نامۍ: لوقمان ئیسماعیل

شۆنەماو جە ئەڎابیەی: عەفرین

نامۍ ئەڎۍ و نامۍ تاتەی: ئەمینە – محمەد

شۊنەماو کاتو گەشمەرڎە بیەی: تەمموزو ٢٠٢٤ / هەرێمەکاو پارێزنای مەدیای."

*****

*****

*****