هەپەگە ئەرەیاۋناش کە گەریلا زەردەشت پانیشتی کە جە سلێمانییوە بەشڎاریی ریزەکا مدرامانیش کەرڎەبۍ، گەشمەرڎەبیەن. بە پاو یاۋنەری هەپەگەی ماوەو دوۋۍ ڕوۋا ویەرڎەینە هەرێمەکۍ پارېزناو مەدیای لانیکەم ١١٠ جارۍ بۊمبۋاران کریېنۍ.
ناوەنڎو یاۋنەری و چاپەمەنی هەپەگەی یاۋنەریېش ۋەڵاکەرڎۊ و چنەشەنە ئەرەیاۋنانش: "هجومەکۍ سوپاو تورکی ئەرەگیری پۍ سەرو مېڎانەکا مدرامانی و هێزەکاما جە هەرێمەکا پارېزناو مەدیاینە وەردەوامېنۍ".
ماوەو ٤٨ سەعاتانە ١١٠ جارۍ بۊمبۋاران کریېنۍ
جە یاۋنەریەکەنە ئامان، " ماوەو دوۋۍ ڕوۋا ۋیەرڎەینە هەرێمەکۍ پارېزناو مەدیای ١٥ جارۍ بە فڕۊکەی جەنگی، ٢ جارۍ بە هەلیکۊپتەر، ٩٣ جارېچ بە کاتیوشا و تانک بۊمبۋاران کریېنۍ. حەرپاسە جە هەرێمو گەشمەرڎە دەلیلی جە وەرنیشتوو زاپی و وەرکەوتوو زاپی بە حەفارە هجومشا کەرڎ سەرو سەنگەرەکا مدرامانیما. جە مېڎانەکا مدرامانو کەشو ئێف ئێم-ینە جە ما بەینو هێزەکاما و ئەرەگیرانە ٦ جارۍ جەنگ ڕوۋەشدان".
زانیاری وەرفراوان پی جۊرەنە:
" هەرێمو گەشمەرڎە دەلیلی وەرکەوتوو زاپیەنە:
٦و حوزەیرانی سەعاڎ ٠٧:٣٠ دەیەقۍ جە مېڎانو مدرامانو کەشو ئێف ئێم-ینە ئەرەگیرەکۍ دەسشا بە جمای کەرڎ، هجومشا کەرڎ سەرو هێزەکاما و هێزەکېچما بە چەکی قورس وەرپەرچشا دېۋە و ڕاشا ۋنە گېرتۍ. هەمان ڕۊ سەعاڎ ٠٩:٥٠ حەتا ١٢:٣٠ دەیەقۍ ئەرەگیرەکۍ کۊتۍ جمای و جە بەینو ئاڎیشا و هێزەکامانە ٥ جارۍ جەنگ ڕوۋەشدا. پی جۊرە جموجوڵو ئەرەگیراشا مرڎنا. دماتەریچ مېڎانو مدرامانەکەی ٧٤ جارۍ بە کاتیوشا و تانک بۊمبۋاران کریا
هجومەکۍ سوپاو تورکی ئەرەگیری:
٦و حوزەیرانی هەرێمو گەشمەرڎە دەلیلی وەرکەوتوو زاپیەنە مېڎانو مدرامانو کەشو ئامێدی و هەرێمو وەرکەوتوو زاپی مېڎانو مدرامانو سیدای ١٩ جارۍ بە کاتیوشا و تانک بۊمبۋاران کریۍ.
٦و حوزەیرانی جە هەرێمو وەرکەوتوو زاپی و مېڎانو مدرامانو سیدای ٢ جارۍ بە هەلیکېۊپتەری هجومکەر بۊمبۋاران کریۍ.
٦ و ٧و حوزەیرانی جە هەرێمو گارەی کەشو سیسەر، دەریۍ حرچ، دەگاو سێدارۍ، کەشو دۊلا مێرانۍ، دەگاو دێڕەشی ١١ جارۍ، هەرێمو گەشمەرڎە دەلیلی وەرکەوتوو زاپیەنە مېڎانو مدرامانو کەشو وەهاری، کەشو ئامێدی ٣ جارۍ، هەرێمو مەتیناینە مېڎانو کەشو چارچەلی جارێوە واتە بە گرڎی ١٥ جارۍ بە فڕۊکەی جەنگی بۊمبۋاران کریۍ.
سوپاو تورکی ئەرەگیری ٦و حوزەیرانینە سەنگەرەکېما جە مېڎانو مدرامانو کەشو ئێف ئێمی و هەرێمو گەشمەرڎە دەلیلی وەرکەوتوو زاپی ، ٧و حوزەیرانیچ هەرێمو وەرکەوتوو زاپی و سەنگەرەکېماش جە مېڎانو مدرامانو سیدای بۊمبۋاران کەرڎۍ و حۊلشدا سەنگەرەکا وڕنۊ".
زەردەشت پانیشتی گەشمەرڎە بی
جە یاۋنەریەکەنە ئامان کە گەریلا زەردەشت پانیشتی ٢٤و ئایاری گەشمەرڎە بیەن.
"هامڕاما زەردەشت پانیشتی کە بە وشیاریۍ بەرزی نەتەوەییوە سەرو رێبازی گیانبازی بەشڎاریش جە کۊشیای ئازاڎیی گەلەکەیمانە کەرڎ، ٢٤و نیسانی هەرێمو گەشمەرڎە دەلیلی وەرنیشتوو زاپینە گەشمەرڎە بی. هامڕا زەردەشت جە وەختېنە کە هجومی دژوارو کۊکوشی کریۍ سەرو گەلەکەیما، جە سلێمانییوە بەشڎارو ڕیزەکا گەریلای بی. پېسە شۊڕشگێڵېوە چنەئامای ئاخېزو ئازاڎیی وەرنیشتۊ حەتا هەرێمەکا پارېزناو مەدیای فرەو مېڎانەکانە جە ریزەکا وەڵېۋە جەنگش کەرڎەن. هامڕا زەردەشت کە بە شېۋېوە گیانبازی بەشڎاریش کەرڎ، پا ئەنەیاۋاینەی کە ئازاڎیی کورڎسانی بە بۍ قوربانیدای مەبۊ، بەشڎار بۍ و هەڵۋێسېوە چانەش نیشانەدا کە پۍ گرڎو جوۋانا کورڎی بۊ بە نمونە.
سەرەوەشی جە خانەواڎەی بەڕێز و بەنرخیشا مکەرمۍ کە هامڕېوە پېسە زەردەشتیشا گۊرە کەرڎ و تێکەڵ بە کۊشیای ئازاڎیی گەلەکەیماشا کەرڎ کە دڵسۆزو بەها نەتەوەییەکا بۍ، حەرپاسە سەرەوەشی جە خەڵکو پانیشتوو کورڎسانی و تەمامو گەلی ۋڵاڎپارێزو کورڎسانی کەرمۍ. جە کەسایەتی هامڕا زەردەشتینە وەعد مڎەیمۍ کە ئامانج و ئاواتو گەشمەرڎاما پۍ رابەرایەتی ئازاڎی و کورڎسانی ئازاڎی بارمېنە دی.
زانیاری سەرو شناسنامەو هامڕا زەردەشتی پی جۊرەنە:
ناسنامۍ: زەردەشت پانیشتی
نامۍ و دما نامۍ: شڤان محەمەد
یاگۍ جە ئەڎابیەی: سلێمانی
نامۍ ئەڎۍ و نامۍ تاتەی: نیسانە- محەمەڎ
وەختو یاگۍ گەشمەرڎەبیەی: ٢٤و ئایارو ٢٠٢٣/ زاپ
هامڕا زەردەشت جە خانەواڎېوە ۋڵاڎپاڕێزو شارو سلێمانی کە خۊتان نەریتو مدرامانیا جە ئەڎۍ بیەن. خانەواڎەو بەڕێزو هامڕا زەردەشتی رۆڵەکەشا بە بەها نەتەوەییەکاوە گۊرەکەرد و چی ڕوۋۊ ئەرکو ۋڵاڎپارێزی ۋېشا جابەجۍ کەرڎ. وەرو ئا مەڵامەتیە هامڕا زەردەشت وەردەوام جە دڵۊ چنی کۊشیای ئازاڎیی تەمامو کورڎسانی بۍ و دماجار و جە ئاکامو پەیجوری و شۊنیرەلوای بە ئەندێشە و فەلسەفەو رابەر ئاپۆی کاریگەر بی. دماو قووڵبیەیۊیش جە فەلسەفەو رابەرایەتی قەرار و ئیراڎەش پۍ کۊشیای زیاتەر بۊ و دماو هجومەکا دەوڵەتو تورکی ئەرەگیری پۍ سەرو سەرێکانی و گرۍ سپی قەرار مڎۊ بلۆ پەی وەرنیشتوو کورڎسانی و بەشڎاری جە مدرامانو سەرێکانینە کەرۊ.
وەران ۋەرو هجومە کیمیاۋیەکانە دەوڵەتو تورکی پۍ سەرو هەرێمەکا پارېزناو مەدیای، هامڕا زەردەشت قەرار مڎۊ ڕوۋەکەرۊ کەشەکا کورڎسانی و بەشڎارو ریزەکا گەریلای بۊ و جە دژوارتەرین وەختەکا جەنگینە ڕوۋەکەرۊ ئاڤاشین و چنی هامڕاکاش جە چوارچېوەو جەنگو تونێلەکانە و تیمە گېڵاکانە زەبری گۊرەش ئەو ئەرەگیرا ئەشا و ئەزمونی سەرەتای ۋېش چا دۊڵەمەنتەر کەرڎ.
هامڕاما زەردەشت کە شۆڕشگېڵېوە پا جۊرە بۍ کە نەسرەوۍ، وەختۍ بەشڎاری خەباتو هێزەکا تایبەتیش کەرڎ، داواش کەرڎ بلۊ ئا هەرێما کە جەنگی دژوارشا ئینا چنە و پۍ ئانەیچ پا گیریش کەرڎەبۍ. هامڕا زەردەشت بە رەنجو ۋېش بی بە جەنگاوەرېوە سەرمەشقی ئاپۆیی. هامڕا زەردەشت جە ئاماڎەکەرڎەو تونێلەکا جەنگی حەتا چالاکی کاریگەر دژوو دوژمنی، چکۊ پېۋیسش کەرڎۍ ئاڎ چا بۍ.
هەڤآڵ زەردەشت جە هەر خانېوە جەسەیشەنە هەس بە گیانبازی کەرۍ و ئی شەهادەتە جە پڕەش ئێمەش فرە خەمبار کەرڎ. جارێوەتەر وەعد واوەی کەرمېوە کە جە کەسایەتی هەڤاڵ زەردەشتینە ئێمە کۊشیای و مدرامانو گرڎو هەڤاڵا گەشمەرڎەیما گەشتەر کەرمۍ".
هـ . ش
