هرووژمەکۍ سوپاو تورکی بە سەختی سەرو هەرێمەکا پارېزنای مەدیای درێژەشا هەن، هەپەگە ئەرەیاۋناش جە ئاکامو ئا هرووژمانە دووۍ گەریلۍ گەشمەرڎۍ بیۍ، وە هێزەکېشا جە چوارچێوەو ۋێپارېزنای ڕەواینە جوابو هرووژمەکا مڎاوە.
مېیانو ئەرەیاۋنای و چاپەمەنی هەپەگەی (نەڕەچە) ئەرەیاۋناش هرووژمەکۍ سوپاو تورکی بە ۋەرفراوانی سەرو هەرێمەکاو پارېزنای مەدیای، بە دیاریکریایی سەرو زاپی و مەتینای بە سەختی بەردەوامێنۍ. جە ئەرەیاۋناکەینە دەسنیشان کریان جە ئاکامو هرووژمە بەردەوامەکا سوپاو تورکینە ٢ گەریلۍ ئازادی کوردەسانی جە کاتی جیاجیانە گەشمەرڎۍ بیۍ. هەر جە ئەرەیاۋناکەینە هەپەگە ئاماژەش پانەی دان تا هرووژمەکۍ سوپاو تورکی بەردەوامۍ با ئانە گەریلا جوابی پەنەوازو ئا هرووژما مڎاوە، جە ئەرەیاۋناکەینە دەسنیشان کریان جە ئاکامو جوابدایۆ پەنەوازو گەریلاینە جە دژو هرووژمەکا ٣ سەروازۍ ئەرەگیرۍ بە سزا یاوێنۍ و ٢ۍ تەرێچ زامڎارۍ بیێنۍ.
جە سەرەتاو ئەرەیاۋناکەینە هەپەگە-نەڕەچە ماچۆ:
"مېڎانەکۍ گەریلای جە هەرێمەکاو پارېزنای مەدیاینە، بە درۆنی بەبۊمچنیای، تۆپۍ و چەکی قورس بۊمبواران کریۍ. هەرپاسە مەڕەکێچما بە تەقەمەنی بۊمبواران کریۍ. هرووژمەکۍ سوپاو تورکی بە سەختی سەرو مەڕەکاما جە هەرێمو مەتینای و گەشمەرڎە دەلیلی جە ۋەرنیشتوو زاپی ئەنجام مڎریۆ. جە ئەنجامو ئی هرووژما سوپاو ئەرەگیرینە جە ٢٧و ئایارو ٢٠٢٥ ینە هەمڕاما وڵات، جە ٣٠ـی ئایارو ٢٠٢٥ینە هەمڕاما باوەڕ گەشمەرڎۍ بیۍ. دماتەر زانیاری ۋەرفراوان سەرو ناسنامەو هەمڕایا گەشمەردەیما وەڵا مکریۊوە.
هێزەکېما دژو هرووژمەکا جە چوارچێوەو ۋېپارېزنای ڕەواینە جواب مڎاوە. تا هەرمانە ئەرەگیریەکۍ سوپاو تورکی و هرووژمەکۍ پەی دلېنەبەردەی گەریلاکا ئازادی کوردەسانی بەردەوامۍ با، هێزەکېما پەی ۋێپارېزنای ۋێشا جوابی پەنەواز مڎۊوە."
هەپەگە-نەڕەچە پېوەس بە هرووژمەکا سەرو گەریلای و جوابدایۆ ڕەواو هێزەکاو گەریلاینە ئی زانیاریێشە وەڵاکەردێوە:
"هرووژمەکۍ سوپاو تورکی؛
جە مابەینو ٣٠ـی ئایاری و ٤و حوزەیرانینە جە هەرێمو مەتیناینە مەڕەکېما جە مېڎانەکا مڎرامانو سەری مەتینای و شێلازێنە ١٥ جارۍ، جە هەرێمو گەشمەرڎە دەلیلینە جە ۋەرنیشتو زاپی مەڕەکۍ مڎرامانیما جە مېڎانو کەشو ئامێدینە ١٣ جارۍ بە تەقەمەنی بۊمبواران کریۍ.
جە مابەینو ٢٩و ئایاری و ٤و حوزەیرانینە جە هەرێمو گەشمەرڎە دەلیلینە جە ۋەرنیشتو زاپی مەڕەکۍ مڎرامانیما جە مېڎانو کەشو ئامێدینە ٧ جارۍ، جە هەرێمو مەتیناینە مەڕەکېما جە مېڎانەکا مڎرامانو سەری مەتینای و شێلازێنە ١٩ جارۍ بە حەفارە و زەمین وڵکەری(دریل) هرووژمشا کریان سەر.
جە مابەینو ٢٩و ئایار و ٤ـو حوزەیرانینە جە هەرێمو گارەی مېڎانەکۍ تەپو زەنگلی، کانی سارکێ، دێرەشە، مژێ، زێڤکێ، دەشتی کافیا، گرگاشێ، سپیندارێ، تەپو کونی، گوزێ، جە هەرێمو مەتیناینە مېڎانەکۍ مڎرامانو سەری مەتینای، شێلازێ، بازێ، بێشیلی، جە هەرێمو گەشمەرڎە دەلیلینە جە ۋەرنیشتو زاپی مېڎانەکۍ مڎرامانو تەپو ئامێدی و کەشو وەهاری بە چەکی قورس و هاوەنۍ بۊمبواران کریۍ.
جوابدایۆ هێزەکاما؛
٣٠ـی ئایاری سەعات ٠٨:١٠دەیەقۍ جە هەرێمو گەشمەرڎە دەلیلینە جە ۋەرنیشتو زاپی مېڎانەکۍ مڎرامنو کەشو ئامێدی بە تەکنیک ئامانجێوە کە جە پێگەو هرووژمکەردەینە بۍ بە ئامانج گیریا و گورزە جە ترۊمبێلێوە شنیا کە سیستەمو ڕاداریش سەرۊ یاگەگیرکریابۍ.
٣٠ـی ئایاری جە سەعات ١١:٢٠ دەیەقۍ و ١٣:٤٠دەیەقێنە جە هەرێمو گەشمەرڎە دەلیلینە جە ۋەرنیشتو زاپی مېڎانو مڎرامانو کەشو ئامێدی بە تەکنیک ئامانجێوە کە جە پێگەو هرووژمکەردەینە بۍ بە ئامانج گیریا و کۆنتێنەرێوە، خێمێوە دلېنەبریۍ، ئەرەگیرێوە بە سزا یاوا.
٣١و ئایاری سەعات ٠٨:٤٠ دەیەقۍ و ١٣:٣٠دەیەقۍ جە هەرێمو گەشمەرڎە دەلیلینە جە ۋەرنیشتو زاپی بە تەکنیک گورزە جە هێزەکاو دژمنی شنیا کە جە هرووژمکەردەی سەرو مەڕەکا مېڎانو مڎرامانو کەشو ئامێدینە بێنۍ، جە ئاکامەنە ئەرەگیرێوە بە سزا یاوا و ٢ ئەرەگیرۍ تەریچ زامڎارۍ بیۍ.
٣١و ئایاری سەعات ١٤:٠٠ جە هەرێمو گەشمەرڎە دەلیلینە جە ۋەرنیشتو زاپی، مېڎانو مڎرامانو کەشو ئامێدینە درۆنێوە دلېنەبریا کە بە مەرامو هرووژمکەردەی سەرو مەڕەکاما ڕەوانە کریابۍ.
١و حوزەیرانی سەعات ٠٦:٤٠دەیەقۍ جە هەرێمو گەشمەرڎە دەلیلینە جە ۋەرنیشتو زاپی مېڎانو مڎرامانو کەشو ئامێدی بە تەکنیک ئامانجێوە کە جە پێگەو هرووژمکەردەینە بۍ بە ئامانج گیریا و کۆنتێنەرێوە دلېنەبریا، وە ئەرەگیرێوەیچ بە سزا یاوا.
١و حوزەیرانی سەعات ١٤:٣٦دەیەقۍ جە هەرێمو گەشمەرڎە دەلیلینە جە ۋەرنیشتو زاپی، دژمن جە مېڎانو مڎرامانو کەشو ئامێدینە بە ئامانجو هاندای و تەرسنای بانگەوازش کەرد و بە چەکی قورس جوابو هەوڵەکا دژمنی دریاوە.
٢ۍ حوزەیرانی سەعات ١٣:٠٠ جە هەرێمو گەشمەرڎە دەلیلینە جە ۋەرنیشتو زاپی، مېڎانو مڎرامانو کەشو ئامێدینە بە تەکنیک ئامانجێوە کە جە پێگەو هرووژمکەردەینە بۍ بە ئامانج گیریا و گورزە جە خێمێوە شنیا.
٤و حوزەیرانی سەعات ١٨:٤٥دەیەقۍ جە هەرێمو مەتیناینە مېڎانو مڎرامانو بێشلی بە تەکنیک گورزە جە حەفارێوە شنیا و دلېنەبریا کە خجڵو وەشکەردەی ڕاو ئەرەگیری بۍ."
