هەپەگە ئەرەیاۋناش هرووژمەکۍ سوپاو تورکی بەردەوامێنۍ و واتش: "یەکینەکۍ هێزو پارېزنای ئاسمانی گەشمەرڎە دەلیل-یما جە ١٦و ئادارینە فڕۆکێوە بێفڕۆکەوانشا وستەنەرە واری، کە جە ئاستێوە بەرزەنە فڕۍ و دۊڵەتو تورکی ئەجێشەنە نمەوزیۆرە واری."
ئەرەیاۋناکەو مېیانو ئەرەیاۋنای و چاپەمەنی هەپەگەی پی جۊرەنە:
"دماو بانگەوازی تاریخی ڕابەر ئاپۆی، قەرارو ئایێربەسو پارتەکەیما (پەکەکە) بە تەمامی جە لایەنو هێزەکاماوە جابەجێ مکریۆ. بەڵام سەرەڕاو ئینەی، چالاکییە هەواڵگرییەکۍ هێزەکاو سوپاو تورکی بەرەو ناوچەکاما چڕتەرۍ بیێنێوە، هرووژمە ئاسمانیەکۍ و تۆپبوارانەکۍ سەرەمڕە بەردەوامۍ بێنۍ. هەر چالاکیێوە هەواڵگری هرووژمېوەن. چونکی چالاکیێوەنە کە ئاماڎەکاری پەی هرووژمی مکەرۆ. چا کاتۆن کە ئایێربەس ئەرەیاۋېیان، سوپاو تورکی هەشت جارۍ هرووژمش بە چەکی قەڎەغەکریا، ٩٣ جارۍ هرووژمی ئاسمانی و پەنج هەزارۍ و ٥٢ جارۍ هرووژم بە چەکی قورس، تۆپۍ و هاوەنۍ پەی سەرو ناوچەکا پارېزنای مەدیای ئەنجام دان.
جە ۋەرا ۋەرو ئینەینە، سەعات ٠٧:٢٠ دەیەقۍ وێرەگاو ١٦و ئادارو ٢٠٢٥، جە لایەنو یەکینێوە سەر بە هێزەکاو وەرگیری ئاسمانی گەشمەرڎە دەلالی، فڕۆکێوە بێفڕۆکەوان جە جۆرو ئاکینجی کە بە بەرزی جە ئاسمانو قەندیلینە فڕۍ و دۊڵەتو تورکی ئەجێشەنە نمەوزیۆرە واری، وزیارە وار. ئەر ئی هرووژمۍ بەردەوامۍ با، ئێمەیچ مافو ۋێمانە پەی ۋەرگیری جە ۋێما ئی جۆرە فڕۆکە هەواڵگرییا وزمێرە واری و ئی ئەرکە جابەجێ مکەریۆ."
