ناوەندوو ئەرەیاونای و چاپەمەنیی هەپەگەی سەبارەت بە چالاکییەکاو گەریلاکاو ئازادیی کوردستانی و هجوومەکاو سوپاو ئەرەگیروو تورکی ئی زانیاریێشە وەڵا کەرڎێوە:
 "هەرێموو سەرحەدی؛
 ٣٠ی تشرینوو یوەمی، سەعات ١٧:٤٠ زروپۊشێوە ئەژدەر، کە لوۍ بەرەو بنکەو ئۊنورتەپەی جە هەرێموو تەندورەکی جە کەمینێوەنە، بە چەکی سووک و نیمچە ئۊتۊماتیکی دریاش ونە.  ٦ ئەرەگیرێش دلێنە سزا دریۍ و زرەپۊشەکەیچ  تەقیاوە.
‌‌‌‌‌‌‌‌‌‌‌‌‌‌‌‌‌‌‌‌‌‌‌‌هەرێموو زاپی؛
 ڕۊو ١وو تشرینوو دووەمی سەعات  ١١:٢٠ و ١٢:١٥، دوۍ فڕۊکۍ بێفڕۊکەوانۍ جە مەیدانوو مدرامانوو گەشمەرڎە ئیبراهیمینە وزیێرە واری و دلێنە بریۍ.  
 هەرێموو مەتینای؛
  ١وو تشرینوو دووەمی سەعات ١٤:٤٥ هەرێمی مدرامانوو کەشوو چارچلای چەکی قورس دژوو ئەرەگیرا بەکار ئاما.
  ٣ۍ تشرینوو دووەمی سەعات  ١٧:٠٠ مەیدانوو مدرامانوو کەشوو ئۊرتێنە، چەکی قورس دژوو ئەرەگیرا بەکار ئاما.
هەرێموو خواکورکی؛
 ڕۊو ٢ۍ تشرینوو دووەمی سەعات  ١٠:٣٠چەکی قورس دژوو ئەرەگیراو مەنتێقەو کەشوو گەشمەرڎە کامەرانی بەکار ئاما و سەنگەرێوەشا تێک دریا. ئی چالاکییە هێزەکاو یەژاستاریوە کریا.  
 ڕۊو ٣ۍ تشرینوو دووەمی، سەعات ٢٢:٣٠ ئا هەلیکۊپتەرۍ کریۍ ئامانج کە گەرەکشابۍ سەروو کەشوو گەشمەرڎە کامەرانیوە  بنیشاوە.
 ئا هجوومۍ سوپاو ئەرەگیرەو تورکی بە تەقەمەنیی قەدەغەکریا و گازی کیمیاوی و درۊنی بۊمچنکریا کەرڎێنێش؛
 لە ١وو تشرینوو دووەمیینە، سەنگەرەکاو جەنگی مەیدانوو مدرامانوو سیداینە جارێوە بە تەقەمەنیی قەدەغەکریا بۊردومانۍ کریۍ.
 ڕوەکاو  ١ و ٢ۍ تشرینوو دووەمینە یاگەکاو جەنگی جە هەرێموو مدرامانوو کەشوو ئۊرتێنە ٤ جارۍ بە گازی کیمیاوی و ٤ جارۍ بە تەقەمەنیی قەدەغەکریا بۊردومانۍ کریۍ.  
 لە ١ و ٢ۍ تشرینوو دووەمینە یاگە سەروازییەکاو هەرێموو مدرامانوو کەشوو چارچلای بە درۊنی بۊمبچنکریا ٤ جارۍ بۊردومانۍ کریێنۍ.
هجوومەکاو سوپای ئەرەگیرەو تورکی؛
ڕۊو ٢ و ٣ۍ تشرینوو دووەمی  مەیدانوو مدرامانوو گەشمەرڎە ئیبراهیمینە جە هەرێموو زاپینە ٢ جارۍ، مەیدانوو کەشوو زەنگلی هەرێموو گارێنە ٢ جارۍ، هەرێموو گۊڵکای و دەگاو دەرگەلێنە هەرێموو مەتیناینە ٢ جارۍ، هەرێموو ئاڤا لۊلانینە دەڤەروو مەتیناینە ٢ جارۍ، بە گردیوە ٨ جارۍ بە فڕۊکەی جەنگی بۊردومانۍ کریێنۍ.
هەرێمەکاو زاپی، وەرنیشتوو زاپی و گەشمەرڎە دەلیلوو خواکورکی بە تۊپۍ بۊردومانۍ کریۍ.