جە کۆنگرەو پێکئامای ویری، حەقیقەتی و دادپەروەریینە کە جە ئاخرو حەفتەینە جە بۆینس ئایرسەنە ئەنجامدریا، ئەرەگیرکەردی کوردەسانی شەرمەزارکریا و داواو ئازادی ڕابەر ئاپۆی کریا.
بەشدارا کۆنگرە و پێکئاماکا ویری، حەقیقەتی و دادپەروەریی دەسنیشانشاکەرد پەی چارەسەری پرسەکا کوردی و ئازادی ڕابەر ئاپۆی پەنەوازا هەوڵی زیاتەر بڎریۆ.
جە ١٣و نۆوەمبەری هەڵمەتۊو 'ئازادی پەی عەبدوڵا ئۆجالانی، چارەسەری پەی پرسو کوردی' جە بۆینس ئایرسو پایتەختو ئەرجەنتینینە بە بەشداربیێ قەوەتۆ بەردەواما. جە ١٨ وڵاتا ئەمریکای لاتینینە زیاتەر جە ٤٠٠ ڕێکوزیێ بەشدارۍ هەڵمەتەکۍ بێنێ. جە کیشوەرەکا تەرو جەهانینە ئیمزۍ کوۍکریێنێوە. هەڵمەتەو ئیمزا کۆکەردەیۆ جە کیشوەرەکانە جە ٦و ئۆکتۆبەری جە پەڕلەمانو ئەرجەنتینینە دمایش پنە مێ. ڕێکوزیا کۆمەڵایتی و مەدەنییەکۍ پەشتگیری وێشا پەی هەڵمەتەکێ نیشانە مڎا.
جە ئاخرو حەفتەینە کۆنگرەو پێکئاماو ویری، حەقیقەتیو و دادپەروەری جە بۆینس ئایسو پایتەختو ئەرجەنتینینە ئەنجامدریا کە زیاتەر جە ١٠٠ ڕێکوزیایاش جە وێشەنە کوۍ کەردێنێ و پارتو سیاسی و ڕێکوزیاکا مافو مرۆڤیچش چنەنێ، ئی کۆنگرە جە ساڵۊو ١٩٩٦ ئەرەمەزیانەرە پەی ئانەی قڕکارییەکا سەردەمو دیکتاتۆری جە یاڎ نەکریا و سەبەبکارەکێش دادگای بکریا. ڕەئیەی هامبەشەو کۆنگرەکەی شەرمەزارکەردەی جەنگە نەگریسەکا بێ کە جە دژو گەلو کوردی ڕاوەبەر مکریا. هەرپاسە داواو ئازادکەردەی ڕابەر ئاپۆی کریا. ئی ڕا-هامبەشۍ جە ئەنجامنامەو کۆنگرەکەینە ئەرەیاویا.
بەعزێ جە نوێنەرا کۆنگرەکەی پی جۆرە ڕائیەو وێشا بەربڕیە:
داوای گۆرۍ هەڵمەتەکۍ ئازادی ئۆجالانین'
ئەلینا نۆنۆییە سەرۆکۊو پارتو گەلوو کرێکارا ئەرجەنتینی: پەشتگیری جە هەڵمەتەو ئازادی مکەرمێنە و داواو ئازادکەردەی ئۆجالانی مکەرمێنە. بە ڕەئیەو ئێمە ئی هەڵمەتێ قوەتێ گەورەش جە وێشەنە گلێرکەردەنۆ و ڕوحێ گەورەو پەشتیوانیکەردەیش خوڵقنان. جە ئاستێ فرە باڵانە پەشتیوانی وێما پەی ئازادی عەبدوڵا ئۆجالانی نیشانە دان.
'پەنەوازا پەشتگیری جە مڎرامانو ژەنا کوردی بکەرمۍ'
مەریلینا نەدیۆ سکرتێرەو ئەنجومەنو هەمیشەی مافەکا مرۆڤی: پرسو کوردی پرسێوە تاریخیا، مزانمۍ دۆڵەتو تورکی چ تاوانکاریێوە ۋەرا ۋەر بە گەلوو کوردی ئەنجام مڎۆ، پەنەوازا پوشتگیرییەکێما پەی مڎرامانو گەلوو کوردی و بەتایبەت پەی ژەنا کوردی فرە زیاتەر بکەرمۍ و بە ۋەرفراوانکەردەی هەڵمەتەکۍ دەنگو پەشتیوانیما زیاتەر بکەرمۍ پەی ئازادی گەلوو کوردی و ئۆجالانی.
ساحێبێ هەڵمەتەکێنمێ پەی ئازادی ئۆجالانی'
ماریا جۆسیە ڕێکوزەو مافەکا مرۆڤو ئوتۆنمی ناشناڵی: جە گرد کونجۍ وڵاتەکەیمانە خاوەنداری جە هەڵمەتەکێ مکەرمێنە. هەرمانەما تەنیا ئیمزاکەردەی نیا، بەڵکم وێما بە وەرپرسیار و ساحێبو هەڵمەتەکێ مزانمینە پەی ئانەی ئا جەنگە قیزەونەی نیشان بڎەیمۍ کە جە دژو گەلو کوردی ملۆڕاوە. پی جۆرە متاومێنە فشارێ میاننەتەوەیی وەش بکەرمۍ و ئیمکانو ئازادی ئۆجالانی بارمێنە ئاراوە.
'هامئامانجو کوردانمێ'
میرتا ئیسرائیلی ئەندامۊو ڕێکوزیاو فیمنیستی پانیلۆس ئین ڕیبیلدیا: گۆشەگیرکەردەی ئۆجالانی نزیکایەتیێ سیاسییا. بە گرڎو ئەرەکۆشای قەوەتیماوە ئازادی ئۆجالانی و وێ ڕاوەبەری گەلو کوردیما گەرەکا. چێکۆ ئی ئەرەکۆشایە چنی هەمڕا کوردەکاما ڕاوەبەر مکەرمێ و هامئامانجێشانمۍ.
