هەپەگە ئامارەو مانگەو ئەیلولیش ئاشکرا کەردە: ٢٨ ئەرەگیرێ سزادریێ کە یۆشا پلەدارێ بەرز بێ
بە پاو ئامارەو جەنگی مانگەو ئەیلولی کە هەپەگە ئاشکراش کەردەن، ٢٨ ئەرەگیرێ کە یۆشا پلەدارێوە بەرز بییەن سزادریان.
ئەرەیاوناکەو ناوەندو ئەرەیاونای و چاپەمەنی هەپەگەی سەرو بابەتەکەی پی جۆرەنە:
"هامڕێما سارا تۆڵهەڵدان گۆییە-دلارا ئورپەرە و روکەن زەلالە – ئەمەل فەرەمەز حسێنە کە ٢٦و ئەیلولو ٢٠٢٢ جە مەزیتلو مێرسینەنە چالاکی گیانبازیشا کەرد و سەرمەشقا گیانبازی ئاپۆیی هامڕا رۆژهات زیلان- ئۆزکان شاهین و ئەرداڵ شاهین –حەسەن ئۆغوز کە ١و تشرینو یوەمو ٢٠٢٣ ئەنقەرەو پایتەختو تورکیاینە چالاکییێوە تاریخیشا کەرد، جە دووەم ساڵیاڎشانە بە قەدرو، وەشەویسی و پنەزانایۆ ویرشا مارمێوە. سەرمەشقە گیانبازەکێما بە شێوێوە شارەزایانە و سەرکۆتانە چالاکی گیانبازیشا ئەنجامدا و جە گرنگتەرین قۆناغەنە سەردەمێوە تازەشا وستەن ڕا. جە ڕاو بەرزکەردەیۆ گیانبازی ئاپۆیینە ئاستو بەشداربیەیشا جە ئەرەکۆشاینە بەرزتەر کەردۆ، پیمەرو ئەرەکۆشای و ژیوای راس سەرو هێڵۊو ئاپۆیی سەرجەنۆ دیاریکریاوە. فیداییەکێما مۆرەو وێشا جە ویەردەی دا،ئا سەردەمەشا ڕاوەبەرد و ئایندەو ئێمەشا دیاریکەرد. قەول واوەی مکەرمېوە کە رێبازو چالاکی و ژیوای ئاپۆیی فیداییەکاما گرڎ وەختێ بگێرمێنە وەر و بەردەوام خاوەنداریش چنە بکەرمێ.
گەریلاکۍ ئازادیی کوردسانی کە ڕێوگارۍ هێڵەو گیانبازینۍ، جە ماوەو مانگەو ئەیلولینە جە دژو هجومەکا سوپاو تورکی ئەرەگیری و دەوڵەتو تورکی کۆلۆنیالیستی قڕکەری بە ڕۆحی فیدایی ئاپۆیی وێڕاگریشا کەرد. جە سەرنیشتو کوردسانی جە مێردینیۆ تا بۆتان، جە ئامەدۆ تا دێرسیم و گارزان سوپاو ئەرەگیری ئۆپراسیۆن و بۆردومانی جەرادەبەدەرش ئەنجامدا. جە جەنگو دژ بە سوپاو تورکی ئەرەگیرینە جە ئەیالەتو مێردینی هامڕێما زەردەشت سوروچی-ئادەم ئۆزکان و رێباز باگۆک-سەلمان داگدەلەن، جە ئەیالەتو ئامەدی هامڕێما هەبون پیرۆ- زراڤ تاش و بۆتان عوسیان – فەهمی باشکورت بە قارەمانی جەنگشا کەرد و گەشمەرڎۍ بیۍ. جە مانگۊو ئەیلولینە کە بۆمبواران و هجومەکۍ سوپاو تورکی ئەرەگیری بە تەکنەلۆجیای جەنگی زیاڎشا کەرد. هەرێمەکۍ پارێزناو مەدیای ٥١ جارێ بە تەقەمەنی قەدەغەکریا، ٨ جارێچ بە درۆنی بەبۆمبچنیا، ١٦٩ جارێچ بە هەلیکۆپتەری هجومبەر و ٣٠٣ جارێچ بە فرۆکەی جەنگی بۆمبواران کریێ.
گەریلاکا ئازادیی کوردسانی جە دژو ئا هجومە ئەرەگیریا بە ڕۆحی فیدای ئاپۆییۆ و تاکتیکو گەریلای پڕۆفیشناڵی ۋەرپەرچشا دێوە. جەماوەو مانگۊو ئەیلولینە گەریلا بە پێرفۆرمانسی چالاکییشا نیشانەدا. جە ئەنجامو ئا چالاکییانە ئەفسەرێوە بە پلەو سەرداری پیادەی بە نامێ عوسمان ئایانی و ٢٧ ئەرەگیرێ تەرێ بەسزایاوێ و ١١ ئەرەگیرێچ زامڎارێ بیێ.
ئامارەو مانگەو ئەیلولی پی جۆرەنە:
هرووژمەکۍ سوپاو تورکی ئەرەگیری
هرووژمەکۍ بە فڕۆکەی جەنگی: ٣٠٣
هرووژمەکۍ بە هەلیکۆپتەری هرووژمکەر: ١٦٩
هرووژمەکۍ بە تەقەمەنی قەڎەغەکریا: ٥١
هرووژمەکۍ بە درۆنی بەبۆمب چنیا: ٨
ئا هەمڕێما کە گەشمەڕدۍ بیۍ
ژمارەو ئا هەمڕایاما کە گەشمەرڎۍ بیێنۍ: ٤ کەسێنۍ
چالاکییەکۍ گەریلای
چالاکییە ئاسمانییەکۍ گەریلای: ١
چالاکی زەمینی گەریلای: ١١١
کۆو چالاکییەکا: ١١٢
کوشیایا دژمنی
ژمارەو ئا سەروازە ئەرەگیرا کوشیێنۍ: ٢٧
ژمارەو ئا ئەفسەرە ئەرەگیرا کە کوشیێنۍ: ١
ژمارەو ئەرەگیرە زامڎارەکا: ١١
ئا ئامێر وکەرەسۍ کە دلێنەبریۍ
سیستەمو راداری: ٢
جبەخانە: ١
بۆمبشانی زنجیردار: ١
درۆن: ٥
کامێرەی چەمڎاری حەراری: ٤
مۆڵگە: ٣
سیستەمو سۆلاری: ١
ئا کەرەسە و ئامێرۍ کە گورزەشا ۋنە شنیێنە
هەلیکۆپتەری هرووژمبەر: ٢
هەلیکۆپتەری سکۆرسکی: ١
مۆڵگە:٣
حەفارە: ١
ئا کەرەسە و ئامێرۍ دەسشا سەرەرە گیریان
درۆنی بە بۆمب چنیا: ١".
