هەپەگە ئشناسنامەو گەریلېوە گەشمەرڎەیش ئاشکرا کەرڎ
هەپەگە ئشناسنامەو گەریلېوەش ئاشکرا کەرڎ کە زاپەنە گەشمەرڎە بیەن، چا بارۆ ئەرەیاۋناش: "هامڕاما بیرهات، خۊتان هەڵوێسێوە نمونەیی بۍ و گرڎ وەختۍ ڕانیشان دەرما بۆ ".
ناوەنڎوو ئەرەیاۋنا و چاپەمەنی هەپەگەی جە بارەو گەریلا گەشمەرڎەکەیۊ ئی زانیاریېشە ئەرەیاۋنۍ:
" مانگەو ئادارینە کە هجومەکۍ دوژمنی سەروو هەرێمەکا زاپی زیاڎشا کەرڎ، هامڕاما بیرهات جیلۆ جە مەڕەکا مدرامانینە بەشڎاریش کەرڎ و بە کۊشیای ۋېش بی بە جەنگاوەرێوە نمونەیی.
هامڕاما بیرهات بە هەڵوێسېوە ڕۊشن جە جەنگاوەری ئاپۆیینە، بە چنەئامایی ۋېش جە جەنگەنە و بە گیانبازی ۋېش جە بەشڎاربیەیش جە ژیۋاینە، جەنگاوەرێوە نمونەیی بۍ. بە کۊشیای ۋېش بی بە یۊ جە نمونە هەرە عالەکا مدرامانی گیانبازانەی دژ بە هجومەکا دوژمنی. هامڕا بیرهات کە دووۍ ساڵېن بێ مردای بە ئیراڎۍ ئاپۆیی حېقم و بە دەرفەتی کەمۊ هەرێموو زاپینە کە دوژمن بە گرڎوو هێزیشۊ ڕووەشکەرڎەبېنە، جەنگش کەرڎ. بە کۊشیای ۋېش سەلەمناش کە سەرکۊتەی بە کۊشیایۍ بێ دوودڵی و بە پاگیریوە دەسەبەر بۆ. هامڕاما بیرهات پا لایەنەو ۋېشۊ بی بە خۊتان هەڵوێسېوە کە بە شێوەو ژیۋای و کۊشیای ۋېش کریۊ بە نمونە. گرڎ وەختۍ ڕانیشاندەرما بۊ و بۊنە بە پاڵنەرۍ پۍ کۊشیایما.
جە سەرەتانە سەرەوەشی جە بنەیانەی ڕېزداروو هامڕایما بیرهاتی، گرڎوو گەلی وڵاتپارێزیما جە حەلەب و سەرانسەروو کوردسانینە کەرمۍ.
زانیاری سەروو ئشناسنامەو هامڕایما بیرهات جیلۆی پی جۆرەنە:
ناسنامۍ /بیرهات جیلۆ
نامۍ و دمانامۍ / ئیسماعیل عەلی
شۊنماو جە ئەڎابیەی / حەڵەب
نامۍ ئەڎۍ و نامۍ تاتەی / فاتمە- حسێن
وەخت و شۊنماو گەشمەرڎەبیەیش / ئاداروو ٢٠٢٣ /زاپ.
