بەپاو ئامارەو کاتیی وەزارەتو تەندرووسی لوبنانی، جە هرووژمۍ ئاسمانینە پەی سەرو گەڕەکێوە پانیشتوو بەیروتی لاو کەمیۆ ٦ کەسۍ مەردۍ و ١٥ کەسۍ تەریچ زامڎارۍ بیۍ. 

بەپاو میدیاکاو لوبنانی، فڕۆکە جەنگییەکۍ ئیسرائیلی ئەمبوڵانسێوە کۆمیتەو تەندرووسی ئیسلامی سەر بە حیزبوڵایشا کەرڎەن ئامانج و ٤ کارمەندۍ چنەشەنە زامڎارۍ بیێنۍ.

فەرماندێوە حیزبوڵای کوشیا

بەپاو دووۍ سەرچەما ئەمنی بەیروتی، جە هرووژمو ئیسرائیلی پەی سەرو گەڕەکەکا پانیشتوو بەیروتی فەرماندێوە حیزبوڵای بە نامۍ ئیبراهیم کوبەیسی کوشیان. بەقسۍ ڕۆیتەرزی، کوبەیسی ئەندامێوە دیارو بەشو مووشەکی حیزبوڵاین.

جە لێوەتەرۆ، بەپاو ڕادوێنو سوپاو ئیسرائیلی جە ماوەو سەعات و نیمێنە ١٠٥ مووشەکۍ جە لوبنانۆ بەرەو ئیسرائیل شنیێنۍ.