هرووژمێنە پەی سەرو بەنداو تشرینی ٢ کەسێ گەشمەردێ بیێ و ٢٠ کەسێش زامڏارێ بیێ
دۆڵەتو ئەرەگیرو تورکی دیسان بۆمبوارانو گەلیش کەرد کە جە بەنداو تشرینینە ئێشکگیری گێرانە. جە ئەنجامەنە ٢ کەسێ گەشمەرڏێ بیێ و ٢٠ کەسێش زامدارێ بیێ.
دۆڵەتو ئەرەگیرو تورکی دیسان بۆمبوارانو گەلیش کەرد کە جە بەنداو تشرینی ئێشکگیری گێرانە.
جە بۆمبوارانەکەنە لانی کەم ٢ کەسێ گەشمەرڏێ بیێ و ٢٠ کەسێش زامڏارێ بیێ.
دۆڵەتو ئەرەگیرو تورکی جە سەرەتاو مانگەو کانوونو یوەمیۆ هرووژم مکەرۆنە سەرو بەنداو تشرینی.
گەلو سەرنیشتوو و وەرکەوتوو سوریای پەی پارێزناو بەنداوەکەی کە پەی ژیواو خەڵکو سڤیلی گرنگا، جە ٨و کانوونو یوەمیۆ ئێشكگیری گێرانە.
١٨ و کانوونو دووەمی جە هرووژمێوەنە پەی سەرو بەنداوەکەی ٦ کەسێ گەشمەردێ بیێ کە ئەندامو ئەنجوومەنو گرڏی پەیەدەی مەنیجە حاجۆ حەیدەرە و هونەرمەنی شانۆگار وتاتەو تایەریش دلێنە بی.
١٦ و کانوونو دووەمی جە هرووژم کەردەی پەی سەرو بەنداوەکەی، هاموڵاتیێ گەشمەرڏەبی و ١٠ هاموڵاتیێ زامڏارێ بیێ کە ٤ ڕۆنامەنویسێ بێنی.
١٥ وکانونو دووەمی جە ٢ هرووژمێ جیاوازێنە، ٤ کەسێ گەشمەرڏێ بیێ، دەیان کەسێش زامڏارێ بیێ.
٨ و کانوونو دووەمی هرووژمێ ئاسمانینە دژو کارەوانو گەلی، ٣ کەسێ گەسمەردێبێ و ١٥ کەسێ زامڏارێ بیێ.
