قەسەدە: ٨ چەتېما کوشتێنۍ و ٤ ترۊمبېلۍ چەتەکایچ دلېنەبریێنۍ
قەسەدە ئەرەیاۋناش جە دەورووبەرو بەنداوو تشرینی و قۆڵو دێر حافیرینە جە مڎرامانو دژ بە ئەرەگیرانە ٨ چەتېشا کوشتێنۍ و ٤ ترۊمبېلۍ چەتەکایچشا دلېنەبەردێنۍ.
مېیانو ئەرەیاۋنای هێزەکاو سووریای دیموکراتیک- قەسەدەی پېوەس بە ٢٤ سەعاتو مڎرامانو جەنگەواناشا جە دژو هرووژمە ئەرەگیریەکا ئەرەیاۋنېوەش وەڵا کەردۆ.
جە ئەرەیاۋناکەینە ئامان، سەرسەعبو هېزی چەتەكۍ سەر بە دۊڵەتو توركی جە ڕاو شش ترۊمبێلاوە بە دۆشكێوە هرووژمشا کەرڎ سەرو دەگاو “خەربەت زەمانە”ی جە دەوروبەرو بەنداوو تشرینی جە پانیشتوو ۋەرکۊتوو منبجی تا سەعات ٣ۍ دما نیمەڕۊی جەنگۍ سەخت سەرەمڕاە بەردەوام بۍ، بەڵام جەنگەوانە قارەمانەکېما هرووژمەکېشا ماڕۍ.
ئاماژە پانەیچ کریان، چەتەكۍ بە بۆمب و چەكی قورس هرووژمشا پەی سەرو تەپو سێرتیلی دەسپنەکەرڎ، بەڵام هیچ زەرەرۍ ۋەرو هێزەكاما نەکۊتەن، هەرپاسە باڵەفڕە جەنگییەكۍ دۊڵەتو ئەرەگیرو توركی دەوروبەرو بەنداوو تشرینیشا بۊمبواران كەرد.
چالاکی یەکینەکاو گەشمەرڎە هارونی
هامكات یەكینەكۍ گەشمەرڎە هارونی ١٢ نوقتۍ چەتەكاشا کەردۍ ئامانج، پا مەڵامەتۆ دووۍ ترۊمبېلۍ چەتەكاشا دلېنەبەردۍ، ئینە جگە چانەی ١٠ نوقتۍ تەرۍ چەتەكا بە ئامانج گیریۍ.
ئانەیچ وزیان ڕووە، جە قۊڵو دێرحەفری یەكینەكۍ گەشمەرڎە هارونی چوار ترۊمبېلۍ سەروازیۍ و ماتۆڕسكیلێوە چەتەكاش کەردۍ ئامانج، هەرپاسە چەتېوەیچشا كوشتەن كە گەرەکش بیەن دزە بکەرۆ دلۍ هێزەكاماوە جە دەگاو ئیمامی، جە هەمان كاتەنە فڕۆكەی بێفڕۆكەوانو چەتەكا سەرو ناوچەكەیرە خولیێوە.
باس چانەیچ کریان، بەشێوێوە گرڎیی هېزی هەشت چەتۍ سەر بە دۊڵەتو توركی کوشیۍ و ١٤ چەتۍ تەریچ زامڎارۍ بیۍ، هەرپاسە چوار ترۊمبېلۍ سەروازیۍ و ماتۆڕسكیلێوە دلېنەبریۍ.
