لەیلا جومعەی کناچێ هونەرمەند تاتەو تەیاری کە جە گرتووخانەو ژەنا ئەرزینگانە ئینا زینانەنە، جە نامەکەنە سڵامش مڏرامانو گەلو وەرنیشتی کەرد و ماچۆنە: "دەسبەردارو ئەوەکۆشایما مەبیمێ و بە قارەمانەتیۆ ئینایمێ چێ."
دماو گەشمەرڏەبییەو تاتەو (هونەرمەند تاتەو تەیار)، ی کناچێ جومعە ئیبراهیمی ئشناسیان بەتاتەو تەیاری جە زینانو ژەنا ئەرزینگانیۆ جە ڕاو پارێزەرەکاشۆ نامێوە پەیام ئامێزش وەڵا کەردۆ.
دەقی نامەکەو ئامارێ بی جۆرەنە:
"سەرەو گەلو کوردی و بەتایبەت ڕابەرایەتیما ساغ و سەلامەت بۆنە. تاتەم گرڏ کاتێ پەی کوردەسانی و گرڏو گەلا چێردەسا خاوەنداری جە بەهاکا ئەوەکۆشای کەرێ. ئا ئەوەکۆشایە کە تا ئیسە بەردەنش ڕاوە، ویناما ئارۆ گەلو کوردەسانی خاوەنداری جە ئەوەکۆشایش مکەرانە و بە ئەوەکۆشایشا جواب مڏراوە.
وەڵێ گەشمەرڏە بییەیش جە دماین پەیامشەنە واتش، 'جە ئەوەکۆشایما بەردەوامێ بیمێ و گرڏ کاتێ ئینایمێ چێ'. جە ئیسەنە کە وڵاتپارێزنەرا کە خاوەنو ئیرادەو وێشانێ خاوەنداری جە ئەوەکۆشای تاتەیمو هەمڕێیا گەشمەرڏاش مکەرانە.
تاتەم پەکەکە و ڕابەرایەتیش پنە ئاشناکەردانی. بیی بەمەڵامەتو ئانەی جە ئیسەنە جە گرڏ کاتێ زیاتەر هۆشیارە بونە. پێسەو زینانیاو ژەنێ گرتووخانەو ئەرزیگان، سەرسەلامەتی وێما جە گرڏو گەلو کوردەسانی و بنەیانەو ڕاوهەڤاڵا تاتەیم مکەرمێ کە چنیش گەشمەرڏێ بیێ. سەرەو گرڏو گەلی سڵامەت بۆنە. سڵام جە مڏرامانو گەلو وەرنیشتی مکەرمێ و سەرسەلامەتی وێما پەیش وازمێنە.
دەسبەردارو ئەوەکۆشایما مەبیمێ، ناترسینمەتەرسمێنەو و ئینایمێ چێ."
