ماک جە ئەرەیاونێوە نویسریانە واتش: "هێزەکێما جە وێرەگاو ١٩و کانوونو دووەمی جە ئێلحەنە جە دژو بیرە نەوتێوە دۆڵەتو تورکی چالاکی سابۆتاژیش ئەنجامدا. خاڵەو نەوتیینیەو سەرو ڕاو باتی ڕامانو سەر بە کۆمپانیاو ئانۆنیمی نەوتەو تورکیای (TPAO) جەلایەنو جەنگاوەرەکاماوە بە تاکتیکو سابۆتاژی کریا ئامانج".

"جە ئەنجامو کەوتەیۆ ئێری بیرە نەوتەکێ زەرەرێ فرەش وەرکەوت. دماو چالاکییەکەی چنین تڕۆمبێلێ ئێر کوژنایۆ و هێزە ئەرەگیرەکا ڕەوانەو یاگێ ڕووەداکەی کریێ".

'مڏرامانما جە دژو ئەرەگیرا مدراوە'

ماک ئاماژەش پانەیە کەرد کە دۆڵەتو تورکی وەڵێ چەماو گرڏو جەهانی کۆمکووژی ئەنجام مڏۆنە و واتش: "ئانێ کە جە کوردەسانەنە جە دژو گەلەکەیما قڕکەردەی ئەنجام مڏرانە با بزانا کە مڏرامانو ئی گەلەی، وێتاو دۆڵەتە ئەرەگیرەکا ماڕانە".

هەرپاسە جە ئەرەیاوناکەینە و واتشا: "گرڏو گەشمەرڏەکاما کە جە وەرنیشتەنە بە قارەمانیەتیێوە گۆرە مڏرامانشا کەرد و جەنگو مەنەی و نەمەنەیشا کەرد یاڏشا مکەرمێوە. بانگەواز جە گرڏو گەلەکەیما مکەرمێ کە جە دەورو مڏرامانو تشرینینە بیمێ بە یۆ و جە دژو دۆڵەتو تورکی فاشیستی جەنگی شکۆمەندانە گۆرە کەرانە".