هرووژمێوە ئیسرائیلی پەی سەرو سوریای ١٤ کوشیۍ و ٤٣ زامڎارێش چنەکۊتۍ
جە هرووژمێوە ئیسرائیلینە پەی سەرو ناوچەکا دلێڕاسەو سوریای، لاوکەمیۆ ١٤ کەسۍ کوشیۍ.
ئیسرائیل وێرەگاو ڕۊو یەکشەممەی ناوەندێوە توێژینەوەی زانستیش جە دلێڕاسەو سوریاینە بە مەرام گێرت.
بەپاو ئاژانسوو هەواڵی ڕسمی سوریای کە جە زۋانو ڕاوەبەرو خەسەخانەو ناوچەکەیۆ وەڵاش کەرڎەنۆ، "ژمارەو ئا کەسا کە جە هرووژمەکەنە کوشیێنۍ یاوان بە ١٤ کەسۍ و ٤٣ کەسێچ زامڎارۍ بیێنۍ".
روانگەو سوری پەی مافەکا مرۆڤیچ ئاماژەش پانەیە کەرڎەن، ٣ مەدەنیۍ کە جە ترۆمبێلێوەنە بیێنۍ چنی چوار سەروازا چا هرووژمەنە کوشیێنۍ و ١٥ کەسێچ زامڎارۍ بیێنۍ.
هەرپاسە ئاماژە پانەیچ کریان، ناوەند و بارەگێوە سەروازی جە دۆروبەرو پاڵاوگێوەنە کاول بیەن و جە دۆروبەرو ناوەندێوە توێژینەوەی زانستینە گروپەکۍ سەر بە ئێرانی ١٣ جار دەنگو ئەوەتەقای گۆرەی ژنەۋییان.
دماو دەسپنەکەرڎەو جەنگوو دلێینەی جە سوریانە جە ساڵەو ٢٠١١یۆ تا ئیساتۍ ئیسرائیل بە سەدان کەڕەتۍ هرووژمش کەرڎەن سەرو سوپاو سوریای و گروپەکا لایەنگرا سەر بە ئێرانی. ۋەرپەرسا تارانی باس چانەی مکەرا جە سوریانە تەنیا راوێژکارۍ سەروازیێشا هەنۍ.
