حەسەکەنە گرڎو بینا حکومییەکا ئینۍ چێرو کۆنترۆڵ و پارێزنای هێزەکاو ئاسایشو دلێینەینە
هێزەکاو ئاسایشو دلێینەو سەرنیشت و وەرکەوتو سوریای بیناکێ کەرتو گردینی کە وەڵتەر دەسو رژێمینە بییێنێ، پارێزناشا.
دماو ئانەی سەرسەعبو ئارۆی رژێمو سوریای وڕا، هێزەکاو ئاسایشو دلېینەو سەرنیشتی و وەرکەوتو سوریای جە حەسەکەنە بیناکا فەرمانگەکاو کەرتو گردی جە هەرێمو چوارگۆشەگیر ئەمنی یاگەگیرۍ بیێ.
هێزەکا ئاسایشو دلېینەی ئا بینایۍ وەڵتەر دەسو رژێمیۆ بیێنێ، پەی پارێزناو بەڵگەنامەکا گەلی و موڵکو گردی ئەرەنیشتا هەرێمەکەی، پارێزنمێ.
هەرپاسە دماو ئەرەیاوناو باری نائاسایی جەلایەنو ئیدارەو وێڕاوەبەری سەرنیشتو و وەرکەوتو سوریای، ئا ڕاپیمایە کە قەرار بێ ئارۆ جە دژو هجومەکا دەوڵەتو تورکی ئەرەگیری جە قامیشلۆنە بلۆڕاوە، هۆرشنریاوە.
