حسێن ئارسان نەوشخانەنە گەشمەرڎە بی
حسێن ئارسان ئەنڎامو ڕێکوزیاو کرێکارا میزۊپۆتامیای، دماو ئانەی سەرسەعبو هېزی شارو سلێمانینە تەقەش ۋنەکریاو یەرۍ گولېش وەرکەوتۍ، دماو ١٧ سەعاتا مەنەیۊیش نەوەشخانەنە، سەرسەعبو ئارۊی گەشمەرڎەبی.
هېزی نزیک بە سەعاڎ ١٠:٣٠دەیەقا، هجومېوە چەکڎاریی وەربەرەو نۋیسینگەو ڕێکوزیاو کرێکارا میزۊپۆتامیاینە، جە شارو سلێمانی ئەنجامدریا و حۊلو تیرۊرکەرڎەو ئەنڎامێوە ڕێکوزیاکەی دریا.
ئا ئەنڎامەو میزۊپۆتامیای کە تەقەش ۋنەکریا، پەنابەری سیاسیی سەرنیشتوو کورڎسانی بۍ، چن ساڵېۋەن شارو سلێمانینە مژیۋۊ، نامۍ تەمامەش حسێن ئاراسانا و ساڵەو ١٩٧٨ جە ئیزمیر جە ئەڎۍ بیەن و خەڵکو شارو ماردینین.
حسێن ئارسان دماو ١٧ سەعاتا مەنەیۊ نەوەشخانەنە و چېرو چەمڎاری دکتۊرەکانە، سەرسەعبو ئارۊی گەشمەرڎەبی.
ئاسایش و دەزگا ئەمنییەکۍ شارو سلێمانیچ حەتا ئیسە حیچ زانیاریېۋەشا جەبارەو گېرتەو بکوژەکەیۊ نەدرکنان.
ئینە یوۋەم حۊلو تیرۊری سیاسیی نییا سلێمانینە، بەڵکم ماوەو چن ساڵى ۋیەرڎەینە ئینە ششەم حۊلو تیرۊر کەرڎەین.
هـ . ش
