هامسەرۆکە و کۆنسەو ڕاوەبەری کەجەکەی، بەسێ هۆزاتە کە سەرمەشقایەتی مەراسیمو چەک دلێنەبەردە و گرووپو ئاشتی و گلێرگە و دیموکراتیکیش کەرد کە جە ٣٠ کەسا پێکئامێبێنێ؛ دەربارەو مەراسیمەکەی قسێش پەی (Numedya24) کەردێ و واتش: "بەپاگیری ڕۆشنۆ ئی هەنگامێما نییا. چالاکییەکی سیاسییا و گەرەکمانە جوابەکەیش وینمێ".

بەسێ هۆزاتە سەر و نامێ گرووپەکەی قسێش کەردێ و ئەرەیاوناش کە پرۆسەکە بە بانگەوازی ڕابەر ئاپۆ دەسش پنەکەردەن و هیچ دوودڵیێ ئەزموون نەکریان.

'بەبێ دوودڵی ئامایمی'

بەسێ هۆزاتە واتش: "بەپاگیری ڕۆشنۆ ئامایمێ. ئێمە مزانمێ پەی چی ئینایمێ چێگە. ئی هەنگامێما هەڵوێسێوە سیاسییا". هۆزاتە ئەرەیاوناش ئی هەنگامێما بەپاو بانگەوازو ٢٧ و شوباتو ڕابەر ئاپۆی نییا، واتش: "جەلایەن و ڕاوەبەرایەتیما هیچ دوودڵییێ نییا".

'پەی چارەسەرس دیموکراتیکی هەنگامەما نییا'

هۆزاتە ئەرەیاوناش قەرار س چەکنییارەی نیشانێ نیازپاکییا و مشۆم ئی هەنگامێ بێ جواب نەمەنۆوە.

بەسێ هۆزاتە واتش: "ئێمە گەرەکما نییا تەنها بە وەستەیرەی جە کەشەکا یاگە دەسو وێما دیاری بکەرمێ. گەرەکمانە جە ئامەد و ئەنقەرە و ئیستەنبوڵەنە، بیمێ سەرمەشقێ سیاسەتو دیموکراتیکی"، واوەیش کەردۆ، هەڵوێسەکێ ئیسە و دۆڵەتی، ئی فاڕایۆ قورس مکەرۆ.

'ئیتر چەکەکێ وەربەسێ نیێنێ'

هۆزاتە دەربارەو سۆچنا و چەکەکا واتش: "پەی تەڤگەرێوە کە بانگەوازو سیاسەتو دیموکراتیکی مکەرۆ، ئیتر چەکەکێ وەربەسێ نییەنێ. ئێمە گەرەکمانە بە جددییەت و وەبەرپرسیارێتییۆ ئی بەربەسا لابەرمێ". هۆزاتە جەختش چانەی کەردۆ کە پرۆسەو ئاشتی بە تاک لایەنە مەبۆنە.

'ئێمە فیداکارییما نیشانەدا، ئیسە چەمەڕاو هەنگامێنمێ'

بەسێ هۆزاتە ئەرەیاوناش پەی لواڕاوە و پرۆسەکەی ئانەی دەسمانە ئامان کەردەنما و فیداکاریما نیشاندان، واتش: "ئیتر نۆرەو لایەنی وەران وەرییا. ئێمەی چەمەڕاو هەنگام نییاینمێ". جەختش کەردۆ، هەڵوێستو دۆڵەتی یەکلاکەرەوەن پەی بەردەوامیی پرۆسەکەی.

'جلوبەرگەکەم، ناسنامە سیاسییەکەم بەروزۆنە'

بەسێ هۆزاتە سەبارەت بە پرسیارە و "چی جلوبەرگەکەم جە گەریلاکا تەری جیاواز بییەن"، واتش: "من پێسە و نوێنەرو تەڤگەرێوە سیاسی بەشداری مەراسیمەکەی بیێنا. پۆکەی جلوبەرگێوە جیاوازم هورچنی. من نوێنەرایەتی ئەرکو هامسەرۆکایەتی کەجەکەی مکەرو".