هێزەکۍ ڕزگاری عەفرینی جە ئەرەیاۋنېوەنە ئاماژەش بە چالاکییەکا هێزەکاشا دژوو سوپاو تورکی ئەرەگیری و چەتەکاش کەرڎەن.

جە ئەرەیاۋناکەینە ئامان:

"هجومی کۆکوشی سوپاو تورکی ئەرەگیری دژوو هەرێمەکاما بەردەواما و گەلەکەما بە تایبەتی کریانە ئامانج، ئێمەیچ جوابوو ئا هجوما مڎەیمۍ.

جە ٩و تشرینی یۋەمینە هێزەکېما جە مەنتیقەی ئەرەگیرکریاو بابینە چالاکییشا کەرڎ و جە ئاکامەنە چەتېوە تورک و سەروازێوە کوشیۍ و ٣ چەتۍ دەوڵەتوو ئەرەگیروو تورکی زامڎارۍ بیۍ و ترۊمبېلېوە سەروازیچ دلېنەبریا.

 جە ١١و تشرینی یۋەمینە هێزەکېما چالاکیېوەشا دژوو بنکەو دابقی جە عەزاز ئەنجامدا، جە ئاکامەنە ٣ سەروازۍ سوپاو ئەرەگیری تورکیای کوشیۍ و ٤ سەروازېچ زامڎارۍ بیۍ، حەرپاسە ترۊمبېلېوە سەروازی جە جۆروو عەقرەبی دلېنەبریا. جە هەمان ڕۊنە چەتەکۍ سوڵتان موراڎی هجومشا کەرڎ سەروو دەگاو مەدیۆنێی شەهبای، هێزەکېما جوبشا دېوە و هجومەکەشا ماڕا. جە ئاکاموو جوب دایۊکەینە ٣ چەتۍ زامڎارۍ بیۍ.

جە ١٢و تشرینی یۋەمینە هێزەکېما جە مەنتیقەو عەزازی دژوو بارەگېوە سوپاو تورکی چالاکیشا کەرڎوو  جە ئاکامەنە سەروازێوە تورک کوشیا و سەروازێوە تەریچ زامڎاربی. جەهەمان ڕۊنە جە هجومېوە نیشانەماڕېنە سەروو خەتەو عەزازیۊ چەتېوە کوشیا. حەرپاسە جە هەمان ڕۊنە بارەگېوە سوپاو تورکی ئەرەگیری جە عەناب جە مەنتیقەو شەرا ی کریا ئامانج و جە ئاکامەنە ٢ سەڕوازۍ تورکی زامڎارۍ بیۍ.

 بەگرڎی جە ئاکاموو چالاکی هێزەکامانە ٥ سەروازۍ سوپاو تورکی ئەرەگیری و ٢ چەتۍ کوشیۍ و ٨ سەروازۍ و ٦ چەتۍ زامڎارۍ بیۍ و ٢ ترۊمبېلۍ سەروازیېچ دلېنەبریۍ.

حەتا ئەرەگیری بۊ و هجوم و قڕکەرڎەی بەردەوام بۊ، چالاکییەکۍ ئێمەیچ بەردەوامۍ با”