جە هەڵەبجە زارۆیێوی تەمەن ٩ ساڵان دڕندانە کوشیا
جە هەڵەبجە زارۆیێوی تەمەن ٩ ساڵان جە دمای کوشتەیش، موزیۆنە بیرو ئاۋێ.
شەوێ ویەردێ، جە شارو هەڵەبجەی زارۆیێوی تەمەن ٩ ساڵان جەمای دیارنەمەنەیش بەرکەوت کە دڕندانە کوشیان و جە دمای کوشتەیش وزیانەنە بیرو ئاۋەو مزگیێوی.
بەرزان عوسمان محەمەد قسەکەرو پۆلیسو پارێزگاو هەڵەبجەی سەبارەت بە ڤییەرەکەی واتەنش: شەوێ ویەردێ، جە گەڕەکو سەرای زارۆڵێو بەنامێ ڕاوێژ قادر سەعدی، کە پیشەش وانکارەن جە سەرئێوارەگاوە وڵاویۆنە و دماتەر سەعات ١١:٣٠ دەیەقێ هەمان شەوێ تەرمەکەش جە بیرو ئاوەو مزگیێویەنە مەئێزیۆنەوە کە ئاسەوارو ونەدای و ئەشکەنجەی سەروجەستەیشەو دیارەن و بەرکەوتەن دڕندانە کوشیان و دماتەر وزیانەنە بیرەکێ.
نامبریا ئاشکراش کەرد: پۆلیس پەیجوری و شونیەرلوایش دەستپنەکەردەن و کەسێوی گومانونەکریا بەنامێ ( ا س ) تەمەن ٢٥ ساڵان کە ئەرەنیشتەو هەمان گەڕەکێن دەستگیرکریان و بە پاو ماددەو ٤٠٦ی ونەکۆڵیاییش چەنی مەکریۆن.
