هېزی وێرەگا، هرووژمکەرێوە جە هەرمانێوە تیرۊریستیەنە بە دەسڕێژو گوللا هرووژمش کەرڎ سەرو نما ۋەنا کڵێساو مار ئلیاسی جە هەرێمو دوێلاینە و دماتەر ۋێش تەقناوە.

سەبارەت بە قۊمیاکەی، فەرماندەیی گرڎیی هێزەکاو سوریای دیموکراتی (قەسەدە) جە ئەرەیاۋنێوەنە ئیدانەو ئی هرووژمە تیرۆرستییەیشە کەرد و ئەرەیاۋناش، ئی هرووژمە تەمامو ئا پێکئامایا جە سوریانە لایەنگرۍ ئازادی و ئاشتینۍ مکەرۆ ئامانج و واتش: "تیرۆر پەی گرڎو سورییەکا یاگۍ تەرسێنە و دژمەنێوە هامبەشو پېوەرەژیۋاین جە سووریانە."

قەسەدە جە ئەرەیاۋناکەیشەنە ئاماژەش پانەیە کەرڎ پابەندا بە ئەوەکۊشایش پەی ڕوو بە ڕووبیەیۆ تیرۆری و ئامادەن جە تەمامو ناوچەکا سووریاینە بەشداریی گرڎ کۊششې بکەرۆ پەی ۋەرەنگاربیەیۆ تیرۆری.