بە پاو ڕاپۆرتەکێ چا ١٥٢ کەسە کە جە قەنارەدریێنێ ٥ ئەفغانینێ، ١٩ بڵوچی، ٩ کوردێ و ٢ عەرەبێنێ. جە ڕاپۆرتەکێنە هۆشیاری ئانەی دریان جە وەراوەرو چالاکییەکا کە دژو سیستەمو ئا وڵاتەی ئەنجام دریانە، ڕێژەو جە قەنارەدای زیاڏ کەردەن بەشێوێ وەرچەم مەترسی دارا.

حەر جە ڕاپۆرتەکێنە ئانەیچ دەستنیشان کریان جە پەمچ مانگێ سەرەتاو ساڵە و ٢٠٢٥نە  لانیکەم ٥١١ کەسێ جە قەنارە دریێنێ. ئاماژەش پانەی کریان چا ڕێژەیە تەنیا ٢٨ جەقەنارەداگ جەلایەن و سەرچەمە ڕەسمییەکاوە ئەرەیاویان. ئانەیچ وسیان  ڕووە ڕێژە و جە قەنارەدای ٩٦٪ زیاڏش کەردەن بەراورد بە پەنچ مانگە و ساڵە و ویەردەی.

جە ڕاپۆرتەکێنە دەبارەو ئا کەسا جەقەنارەدیێنێ ئی زانیاریێ وەڵاکریێنێوە؛

بە تەنیا ٢٨ جەقەنارە درییەکێ جەلایەن و سەرچەمە ڕەسمییەکاوە ئاشکرا کریێنی.

٧٤ کەسێ بە تاوانەو کوشتە و سزاو حەقکەردەیۆیشا سەرەرە سەپیان.

٦٨ کەسێ بە تاوانە و مادەو هۆشبەری جە قەنارە دریێنێ.

٤ کەسێ بە مەڵامەتو تاوانە و ئەمنی جە قەنارە دریێنێ؛ کە یۆ چانیشا بە تاوانە و سیخوڕی پەی ئیسرائیلی و ٣ی تەرێشا بە تاوانە و دزیە و چەکی.

٦ کەسێ بە تاوانە و دەستدرێژی جە قەنارە دریێنێ.

جە ڕاپۆرتەکێنە ئاماژە پانەیش دریان جابەجێ کەردە و یۆ جە قەنارە دریاکا جد مێڏانی گرڏینە ئەنجام دریان.