خەڵکوو حەسەکەی و ئەنداماو ئەرەمەرزیا مەدەنی و سەروازییەکاو حەسەکەی بەشدارۍ بیۍ جە مەراسیموو بەخاکسپارای جەنازەو جەنگەوانوو هێزەکاو کۊماندۊسی محەمەد ئەلخڵێفی (هارون). گەشمەرڎە هارونی جە ١٧و تشرینوو یوەمینە جە دەگایەکاو دەیرەزۊرینە گەشمەرڎە بی.

مەراسیمەکەنە ئەنداموو مەجلیسوو بنەیانەو  گەشمەرڎا شوجاع ئەلهەرس. باسوو فیداکاری و دەوروو گەشمەرڎاش کەرد. دماتەر واتش : "ئامانجوو هجوومەکاو دەوڵەتوو تورکی ئەرەگیری دژوو گەلی و هێزەکاما، ماڕار ئیرادەیما و پرۊژە دیموکراتیکەکەیمانە. وەلۍ سەرکەوتۍ مەبا"،

فەرماندێوە مەجلیسی سەروازیی حەسەکەی، سنجار جەیران، واتش: "گەشمەرڎەبییەی هاموەڵاتەکاما پاگێرتەیرەیما پەی مدرامانی و پارێزنای خاکی و دەسکەوتەکاو شۊڕشی زیاتەر کەرۊ. ئێمە پەی ژیوای شکۊداری و ئازادیی ئی گەلەیە، دووەدڵۍ مەبیمۍ و گیانما بەختە کەرمێ".

ئەنداموو مەجلیسوو بنەیانەو گەشمەرڎا، ڕۊژدا ئەحمەد، شناسنامەو گەشمەرڎە محەمەد ئەلخڵێفیش واناوە و داش دەسوو بنەیانەکەیشاوە.  

دلۍ هەلهەلەو ئەدایا و درووشموو "گەشمەرڎۍ مەمرا"نە جەنازەو گەشمەرڎەی بەخاک سپارییا.