بۆنەو مانگۊو ڕەمەزانی مبارەکیوە کۆمیتەو گەلی و باوەڕییەکا کەجەکەی ئەرەیاۋنێوە نویسیاش وەڵا کەرڎۆ.

ئەرەیاۋناکەی پی جۆرەنە:

"کۊتیمۍ دلۍ مانگۊو ڕەمەزانی کە پەی ئیسلامی مانگۊو خێری و بەرەکەتینە. مانگۊو مبارەکەو ڕەمەزانی ئاشتی و ئارامی پەی تەمامو جەهانی ئیسلامی بارۆ. هیواڎارێنمۍ جەژنەی مبارەکەو ڕەمەزانی جە ساڵۊو ٢٠٢٥ینە وەشە سیایی، هامبەشیکەردەی وەشەسیایی وزۆنە زېڵۍ موسڵماناوە و بۆ بە مەڵامەتو پێشوازیکەردەی هەستە ژیۋاییەکا. داواکارێنمۍ ئاشتی و دادپەروەری بارۊنە دلۍ گلېرگەو موسڵماناوە. هیواڎارێنمۍ نما و تاعەت و دوعۍ کە جە مانگۊو ڕەمەزانینە مکریا ئیرادەو مرۆڤەکا، ئەخلاق  و ویژدانو گلېرگەی بەهێزتەر بکەرۆ. داوا مکەرمۍ مانگۊو ڕەمەزانی بۆ بە مەڵامەتۍ گەلاو ۋەرکۊتوو مېیامینی سەرو پرسەکا ئازادی و دیموکراسی ڕشدۍ باوە، بە دەسوەڵێوستەی نەتەوەیی دیموکراتیکیوە گلېرگەی و ژیۋای بنیاڎ بنیا.

موسڵمانا ئێژا

کۊتیمۍ دلۍ مانگۊو ڕەمەزانی مبارەکو ساڵۊو ٢٠٢٥ کە جە جوگرافیاو موسڵمانێتی جە ۋەرکۊتوو مېیامینینە ڕا ۋەردەمو تراژیدیایۍ گۊرەو جەنگی و کاولکارینە کریانۆ. ئی پرۆسەو جەنگیە کە جە ۋەرکۊتوو مېیامینینە گوزەر مکەرۆ ئێش و مەینەتیۍ فرەش بە گەلی و باوەڕدارییەکا هەرێمەکەی یاۋنان، بە تایبەت گلېرگەو موسوڵمانا ئی ئێژەیە چەشا. بەڵام باوەڕیما هەن ئەر جە هەرێمەکەنە پەرە بە پێگەو نەتەوەیی دیموکراتیکی بڎریۆ، ئا کاولکاریۍ بە مەڵامەتوو جەنگی، ئێش و مەینەتی ئینۍ ئارانە قەرەبوو مکریاوە. سەرو ئی بنەمایۍ داوا جە گرڎو جەهانی ئیسلامی و  موسڵمانا ۋەرکۊتوو مېیامینی مکەرمۍ جە دەوور ئا بەها دیموکراتیکیانە کوۍ باوە کە ئیسلام مرمانۊشاوە و پەی گرڎو باوەردارییەکا ۋەرکۊتوو مېیامینی، کۆنفیدراڵیزمو ۋەرکۊتوو مېیامینی دیموکراتیکی ئەرەمەرزنارە. خوڵقەتا مکەرمۍ سەرو بنەماو بەهێزکەردەی یۊبیەی، یۊگێرتەی گەلا و ژیۋای یەکسانی هێزی و هامکاری بڎاوە ئی پرۆسە کە پۊرەشەرە موېیەرمۍ. داوا مکەرمۍ جە دژو ئا هێزا کە پەی بەرژوەندی ۋێشا گەمە بە بەها مرۆڤایەتییەکا مکەرا، مرداوە و پېسە باوەڕمەندیۍ گۊرەی پەی وەڵێوستەی یۊبیەی دیموکراتیکی گەلا و پێکئاوردەی ئەرەمەرزنای گلېرگەی دیموکراتیکی ئەوەکۊشا.

پېسە تەڤگەری پەیلوایما چامنەن چارەسەری پرسەکا ئیکۆلۆژی، پرسەکاو ژەنا، پرسەکاو دیموکراسی و ئازادی گەلا جە ۋەرکۊتوو مېیامینینە بە ئەوەکۊشای هامبەش موېیەرانە. گەرەکمانە دەسنیشانش بکەرمۍ چی جەژنەو ڕەمەزانەینە سەرو بناغەو دیموکراسی و ئازادی، یۊبیەی، یۊگێرتەیی و یەکسانی گەلی و باوەڕییەکا، ئەوەکۊشای هامبەشو گەلا ۋەرفراوان کریان. پی مەڵامەتۆ چی مانگە مبارەکۍ ڕەمەزانینە خوڵقەو موسڵمانا ۋەرکۊتوو مېیامینی و کوردەسانی مکەرمۍ جە دژو هێز و دۊڵەتا میتینگەر، قڕکەری و فاشیستی، جە هەر یاگێنە هەنۍ بە یۊبیەی و یۊگێرتەیۆ جماوە.

سەیدە ڕێزدارە وڵاپارێزنەکا کوردەسانی

ئی پرسە کەی ئینایمێ دلێشەنە ، گۆرەتەرین وەرپرسیارەتی وزۆنە ئەستۆو کوردا موسڵمانی جە سەرنیشتوو، پانیشتوو، وەرنیشتوو، وەرکەوتوو و گرڏو جەهانی. گەلوو کوردی ٥٠ ساڵێن جە دژو سیاسەتەکا قڕکەردەی ئەوەکۆشایش بییەن ژیوایش ڕاوەبەردەن. هرووژمەکێ دۆڵەتوو تورکی میتینگەری،  سەرنیشتەنە گۆشەگیری، ئەشکەنجە، گێرتەی و دەس سەرەرە گێرتەی بەبێ مرڏای بەردەواما. هرووژمە قڕکارییەکێ دۆڵەتو تورکی ئەرەگیری، بە چۆڵکەردەو دەیان دەگایا، کاولکەردەو ئیکۆلۆژی و پرسە کۆماڵایەتییەکێ جد سەرانسەرو پانیشتینە بەردەواما. هرووژمە ئەرەگیرییەکێ و قڕکارییەکێ دۆڵەتو تورکی سەرو هەرێمەکا وەرنئپیشتوو و سەرنیشتوو سووریای بەردەوامێنێ و گەلی یاگێ و یانە و وێشەنە کۆچبەر مکەرۆ. چا جەنگەنە کە ڕوانە ڕووەمڏانە بە دەیان کەسێ جە ئەوەکۆشای دیموکراسی و ئازادینە گیان جە دەس مڏانە.

بە پاو کتێبو موبارەکو قورعانیما؛ گرڏو چالاکییەکا گەلی ڕۆچێنێ جە لە دژو ئا کەسا ئەنجام دریانە نکۆڵی جە حەقیقەتو گەلا مکەرا و جە دژو کەسی موسڵـمانی مڏرداوە. ئانێ ئی فەرمانەیە جابەجێ مکەرا بەخشنریانە و خەڵاتی گۆرەشا هەن. وەرو ئینەی ڕەگەزو ئیسلامی جە مانگەو ڕەمەزانینە وەرپرسیارەتیێ گۆرە وسۆ ئەستۆو کوردا موسڵمانی. بۆنۆ مانگەو ڕەمەزانیۆ یاڏ وسمێ سەیدا کوردی وڵاتپارێزێ و گەلوو کوردی موسڵمانی پەرسش و وێتا چنی بڕوێتا یەکانگیربکەردێ، خێرێوە گۆرێ مکەردێ.

گۊرەتەرین مڎرامانی خێردار، مڎرامانوو گەلێوەن کە ئینا چېرو نکۆڵی و دلېنەبەردەینە، مڎرامانوو گەلێوەن کە ئیرادەش چنە سنیانۆ، ڕووبەرو گۆشەگیری بیەنۆ. چی پڕۆسەنە جیای ئانەی مزگیە ئاینیەکۍ فەتوا پەی کۆمکوژی کوردی بەر بکەرا، نما سەرو سنووری و جە سەنگەرەکاو پارېزنای گەلی و ۋەردەمو شارەوانییەکانە ئەنجام بڎا و ئینەیچ ڕاستتەرین هەڵوێسا. چونکی ئاین جە کەسایەتی گەلوو کوردینە بە نکۆڵیکەردەی کولتوورو کوردا نکۆڵی جە فەرمایشتەکا خوڎای مکەرۆ، ئاینو دۊڵەتو تورکی و دۊڵەت، ڕابەرایەتی وزۊنە چېرو گۆشەگیرییوە. چەمەڕاو ئانەینمۍ کە موسڵمانا بزانا زەکات گرنگتەرین کۊڵەکۍ ئیسلامینە. باوەڕدارێوە کە زەکات بەرمکەرۆ فرە زیاتەر بەرەکەت گنۆ دلۍ یانەی و موڵکیشۆ. جیای ئانەی زەکاتو ۋێتا بڎەیدۍ بە دۊڵەتو تورکی کۆلۆنیالیزمی و دامودەزگاکاش، دەسو هامکاری پەی مەردمو ۋەرنیشتی و سوریای درێژ بکەردۍ ئینە گۊرەتەرین خاسەو مانگۊو ڕەمەزانیا. گەلاو ۋەرنیشتی – سەرنیشت و ۋەرکۊتوو سوریای هەم ئاوارۍ بیێنۍ و هەم کۆچ مکەرا. پۊکەی پەنەوازا گرڎو موسڵمانا جە کوردەسان و جە سەرانسەرو جەهانینە چنی ئا گەلا کە دلۍ جەنگینە ئێششا لا یاوۆ، جە گفتوگۆ و هامکارینە با. ئاماڎەکەردەی ژەمە ئیفتارەکاتا بە شێوێوە خاکی و هەستکەردەی بە ئێش و ڕێش و ملیۆنان کەسا ئاورای و دوور جە واردەی، عالتەرین و بەختەوەرتەرین ڕانە. هامبەشیکەردەی ژەمەکا ئیفتاری چنی ئا کەسا کە پەنەوازیشا پنەشا و پرسیارکەردەی جە تەندروسی نەوەشی و بەتەمەنەکا و مەیسەر کەردەی پەنەوازیەکاشا گۊرەتەرین نیعمەتەکۍ مانگۊو ڕەمەزانینۍ. پی مەعنۍ چەمەڕایی ئانەیما هەن موسڵمانا کە گەرەکشانە ئەخلاقی و ویژدانیۍ با پەی ئانەی خاسە بکەرا، چی پرۆسەنە پەشتیوانۍ و یۊگێرتۍ با. دوعا مکەرمۍ ڕۊچەکێشا بۆ بە مایۍ نیعمەتی گۊرەی. ئێمە پەیلوایما چامنەن مانگەی مبارەکەو ڕەمەزانی کۊششێوە هامبەش بۆ جە دژو ستەمی، گۆشەگیری و ئەشکەنجەی. پی بۊنۆ هیواڎارێنمۍ گەلاو موسڵمانا تورکیای و ۋەرکۊتوو مېیامینی ئەرک و ۋەرپرسیاری ۋێشا جابەجۍ کەرا پەی ئانەی گەل بەشێوێوە دیموکراسی و یەکسان پێوەرە بژیوا. وە بەشداری کۊششی هامبەشی  جە دژو ستەمی و نادادپەروەری جە بەرەو دیموکراسینە بکەرا. داواکارێنمۍ ڕۆچۍ و دوعا و نیازەکێشا قبوڵ با".