پارتوو هەرێمە دیموکراتیکەکا (دەبەپە) وەڵۍ ئانەینە ٦ەمین کۊنگرەی نائاسایی جە ١٢ تشرینوودوەمینە ئەنقەرەنە کریۊ، هۊڵێوە ئاهەنگێڵناینە ئامەدنە بە دروشموو "بە جڤاکێوە  ڕێکوزیا خراو ژیواێوە ئازاڎ بنیات منیەیمێ" کۊنفرانسێوە گەورەش کەرد. کۊنفرانسەکەنە پەیاموو "تا ئازاڎبییەی عەبدوڵڵا ئۊجالانی، مدرامان کەرمێ"ی ئەوەخوای کریاوە.

هەزاران کەسۍ بەشدارۍ کۊنفرانسەکەی بێنۍ، گۊرانیۍ و ورپڕای پێشکەش کریا، گردوو گۊرانییەکا بە زوانی کوردی بێنۍ. ئا پانکارتۍ هۊڵەکەنە ورواسیێبێنۍ بە زوانی کوردی نویسیێبێنۍ.

تەماموو کۊنفرانسەکەینە درووشمەکۍ پەی ڕابەروو گەلوو کوردی عەبدوڵڵا ئۊجالانی بەرزۍ کریێوە، بەرڎەوام درووشمەکاو "بژیوۊ سەرۊک ئاپۊ"ی و "بۍ سەرۊکی ژیوای مەبۊ" و "بژیوۊ مدرامانوو وەرنیشت"ی و "ژەنی، ژیوای، ئازاڎی"ی وچیێوە.  

جە قسۍ بەشداربییانە باس جە گۊشەگیری و ئازاڎیی جەستەیی ڕابەروو گەلوو کوردی عەبدوڵڵا ئۊجالانی و چارەسەری دیموکراتیکوو پەرسەو کوردی کریا.

ئەوەخوای کریاوە، دژوو گۊشەگیری سەروو ڕابەروو گەلوو کوردی عەبدوڵڵا ئۊجالانی ١٨و  تشرینوو دووەمینە، "ڕاپیمای ئازاڎی" دەسش پەنە کەرد.  

فرەو سیاسەتمەدارەکا جلی کوردیێشا پۊرەبێنۍ.

ئا پۊلیسۍ کە خاڵەکاو وشکناینە بێنۍ، نازێنۍ هاموەڵاتۍ بە جلوبەرگی کوردییوە بلا هۊڵەکە، ئانۍ ڕاشا وەنە گیریا گۊرانیۍ کوردیێشا واتۍ و ورپڕۍ. هاموەڵاتێوە پێسە ناڕازەیەتی واتش: "چەنی جلەکێم با با هەڕەشێوە ئەمنییە؟".

جە بەڵگەنامەو هەڵوێستینە، کە ئاخروو کۊنفرانسەکەینە وەڵا کریاوە، ئەوەخوای کریاوە سەفەربەری وێڕێکوستەی دەسش پەنە کەرڎەن.