دەربارەو هرووژمە ئەرەگیری و کۆمکوژییەکا دۊڵەتو تورکی پەی سەرو ۋەرنیشتی، سەڎان شۆڕشگێڵنۍ ئەنتەرناسیۆنالیستۍ جە شارو هایدلبێرگو ئەڵمانیاینە کوۍ بیێوە. بە درووشمۊو "جە سەرنیشت و ۋەرکۊتوو سوریای، دیدگا و ئاسۆی دیموکراتیک" جە ٢٥ و ٢٦ و کانوونو دووەمینە کۆنفرانسێوە ٢ ڕۊیی ملۊڕاوە.

شۆڕشگێڵنا ئەنتەرناسیۆنالیستی پەی مردنای هرووژمەکا دۊڵەتو تورکی پەی سەرو ۋەرنیشت و سەرنیشتوو ۋەرکۊتوو سوریای و قبووڵکەردەی ستاتۆو کوردا، پەیامشا دا.

جە ئەرەیاۋناو کۆنفرانسەکەینە تەئکیدکریاوە، ئەزموونێوە سەرو بناغەو ئازادیی ژەنا و ژیۋایۍ فرە ئیتنیکی و فرە ئایینی، زیاتەر جە ١٢ ساڵان وەڵۍ گنۆ، وچیا: "فێمینیزم و پەشتیوانی و دادپەروەری چا بەشێوێوە بێ وێنە وەڵۍ گنۆ. ئێمە وەڵۍ وڕای ڕژێمو ئەسەدی، ئی کۆنفرانسەما ئاماڎە کەرد. هەرپاسە هەستیارێنمۍ دەربارەو پێشئامایەکا ئی دماییەو سوریای. بەڵام ئەجۊمانە کاتو ئانەی ئامان چێنە باس جە سەرنیشت و ۋەرکۊتوو سوریای و ئیدارەو ۋېڕاوەبەری بکەرمۍ. پۊکەی چی کۆنفرانسەنە زیاتەر شۊنیرەلوای پەی پێشئامایەکا ئیساتۍ مکریۆ و تاوتوێ مکریا. ئی کۆنفرانسە سەرنج وزۆ سەرو دیدگاو ئایندێوە دیموکراتیکی و ئاسۆکاو ئاشتی و دادپەروەری".

بەرنامەو کۆنفرانسەکەی

بەرنامەو کۆنفرانسەکەی پی جۊرە ئاشکرا کریا:

"شەمە

٠٩.٣٠: دەسپێک و خێرئامای.

١٠:٠٠: گوزارشتەو ئاژەی سیاسی.

١١.٠٠: چەمخشکنایۆ بە ئازادیی ژەنارە.

١٣:٠٠: ئیسراحەتو نانو نیمەڕۆی.

١٤.٣٠: دیدگاکۍ پەی دیموکراسی.

١٥.٣٠: چالاکییەکۍ وۆرک شۆپی.

١٧.٠٠: ئیسراحەت.

١٧.٣٠: ڕوانگەو ئاشتی.

١٩.٣٠ : ئیسراحەت.

یەکشەممە

١٠:٠٠: دیدگای ئەمنی

١١:٠٠: ئاسایشو ۋەرنیشتی

١٢:٣٠: ئەنجام".