کۆنفرانسوو گۆشەگیری: ئەگەر یاسا ئیمراڵیینە نەیاویۆ یاگێ، هیچ یاگێوەنە نمەیاویۆ یاگێ
کۆنفرانسوو دژوو گۆشەگیریینە پەیام دریا: "ئەگەر گۆشەگیریی ئیمراڵی دماییش نێ، هیچ یاگێونە نمەتاومێ ڕا چی چی نادادییە گێرمێ، ڕژێموو سزادای دژوو کوردا بونیاد نریان".
کۆنفرانسوو کۆمەڵەو مافشناسا پەی ئازادی (ئۆهەدە) بە نامێ "دژوو سیاسەتوو گۆشەگیری کۆشیای ئاشتی و ئازادی"یوە ئیستەنبوڵنە بەردەواما.
ئەوەڵ پەیاموو سیاسەتمەدارەو کوردی ئایلا عەتای زیندانوو ژەناو سینجانینە ونیاوە، سڵامش وەنەو کۆنفرانسەکەی کەرد و واتش ئینە بەروزوو ئیرادە و کۆشیای گەلوو کوردین وەراوەروو سیاسەتوو نکۆڵی و سڕیەیۆ و ئەسیمیلاسیۆنینە، هەرپاسە چی کۆشیاینە ئامانجوو ڕابەروو گەلوو کوردی عەبدوڵا ئۆجالانی پەی زیندەکەدەیۆ سیستمی دیموکراتیکی و ئیکۆلۆژیکی و ئازادیی ژەنێ موینیۆ.
سەرۆکوو نویسگەی پارێزنەراو ئامەدی نیهاد ئەرەن، بە ناموونیشانوو "ڕژێموو سزادای سەروو زیندانییە سیاسییا گرانتەر بۆ" بابەتەکەش پێشکەش کەرد.
واتش کوردەکێ بۆنەو دەسەڵاتیوە ڕووبەڕوو کۆکوشی و بێسەروشۆنی بیێنێوە، کەچی هەردەم داواو ئاشتییشا کەردێنە، هەرپاسە ئاماژەش پانەیە کەرد گردوو هەموارە یاساییەکا دژوو کوردی و داواو کوردا میاونیا یاگێ.
ئەرەن واتش سیستموو "یاسایی" سەدێوەن سەروو کورداوە بەردەواما و واتش: "سەدەو یەکەموو ئەرەمەرزنای کۆمارینە، دادگاکاو ئیستیقلالی بێنێ سزا یاونیێ یاگێ، سزاو قەنارەدای بریێ ڕاوە دمایی ماچا غەڵەتما کەردەن. ئی سیستمە هەردەم چی وەڵاتەنە بییەن. پێسە پەیڕەوێوە یاسایی تازەی وێش بەروزۆ، بەڵام ڕاسییەکەش هەمان چێوا. گردوو سیستمەکا دژوو کوردانێ، ئی سیستمە بەرش وزۆ کە چەنی داواکاریی کوردا بە تاوان مدریۆ قەڵەم".
ڕۆنامەوان عەلی دوران تۆپوز بە ناموونیشانوو "قەیرانی دادوەریی تورکیانە" بابەتێوەش وست ڕووە. قەیرانی دادوەری بەینوو دادگای دەستووری و دادگاو سزا قورسانە پێسە گەمێوە شانۆییش نیشانە دا، ئەرەیاوناش قەیرانەکە بە ئەنقەس مجیانرە، موینیۆ سەردەموو ئەرەمەرزیای کۆماریچنە دادگا بە هەمان شێوە بەکارئامیان. حەرچند چێگە و چاگە پەرلەمانتارێ باسوو ئینەیە کەرا، بەڵام ئەکادیمیانە نمەتاویۆ ڕەخنە چینەیە گیریۆ. بەڵام ڕاسییەکەش پا مانێ مێ بەئەنقەس ئینەیە کەرۆ.
کۆنفرانسەکە بە ئەرەنیشتەی یەرەمی بەردەواما.
