کۆنگرە ستار هەردووە گەشمەرڎۍ سارا تۆڵهەڵدانە و ڕوکەن زەلالەش یاڎۍ کەرڎۍ
ئەنجومەنو کۆنگرە ستاری، گەشمەرڎۍ سارا تۆڵهەڵدانە و ڕوکەن زەلالەش یاڎۍ کەرڎۍ و پەیامو فراوانکەرڎەی مڎرامانیش دا.
ئەنجومەنو کۆنگرە ستاری بۆنەو ساڵوەگەڕو چالاکییە فیداییەکەیشاوە بە ئەرەیاۋنێوە نویسیا یاڎو گەشمەرڎا سارا تۆڵهەڵدانۍ و ڕوکەن زەلالێش کەرڎۆ.
جە سەرەتاو ئەرەیاۋناکەینە ئاماژە بە هرووژمەکا دژمنی پەی سەرو گەلوو کوردی مکەرۆ و ماچۆ: "سەڎان ساڵێن گەلوو کوردی جە ۋەرا ۋەرو سیاسەتەکا تاونایۆ و دلېنەبەردەینە ئەرەکۊشۆ. دژمناو گەلوو کوردی، سەرو گرڎیۆ دۆڵەتو ئەرەگیرو تورکی بە گرڎ جۆرە رێبازێوە جەنگی و چەکی قەڎەغەکریا هرووژم مکەرۆ سەرو کەشە ئازاڎەکا کورڎەسانی. وە هەرپاسە جە زیڼانەکانە گرڎ جۆرە رێبازێوە ئەشکەنجەدای جە دژوو ئا کەسا بەکار بەرۆ کە سەرمەشقی پەی هێڵۊو ئازاڎیی و دیموکراسی مکەرا. گرڎو ئی پاشێلکارییا جە لەلایەنو رێکوزیاکا مافەکا مرۆڤیوە بێدەنگیشا ۋنەکریان. هەرپۊکەی جارێوەتەر جە ۋەرا ۋەرو ئی گرڎ پاشێلکاریانە ئیراڎەو ژەنۍ ئازاڎۍ وەڵێکۆت و جە ۋەرا ۋەرو هەر هێزێوەنە سەرکۊتەیش بەدەسئاورڎەن."
'چالاکیەکە دژو نکۆڵیکەردەی بۍ جە گەلوو کوردی '
جە بەردەوامی ئەرەیاۋناکەینە باس جە چالاکی گەشمەرڎە زیلانۍ (زەینەب کناجی)ۍ مکەرۆ کە جە ٣٠ حوزەیرانو ١٩٩٦ینە جە دژوو ئەرەگیری و پوچکەردەیۆ گۆشەگیری سەرو ڕابەرو گەلوو کوردی عەبدوڵا ئۆجالانی ئەنجامش دا و ئامان: "جارێوەتەر دووۍ ژەنۍ قارەمانۍ سارا گۆیە و ڕوکەن زەلالە کە سەرو بنەماو ژیۋای ئازاڎی پەروەردەکریۍ جە دژو سیاسەتەکا دۆڵەتو فاشیستی چالاکی فیدایشا ئەنجامدا. چالاکیەکە جە ٢٦و ئەیلولوو ٢٠٢٢ێنە بە شێوێوە پلان پەی مجیایرەی و کارامەیی جە دژو ناوەندو پۆلیسی جە ناوچەو مەزتێی مێرسینی جە تورکیانە کریا بە بێ ئانەی هیچ زەرەرۍ ۋەرو مەدەنیۍ گنۆ.". ماچۆ؛ ئی چالاکییە جوبدەرۆ و هرووژمەکا دۆڵەتو تورکی بۍ سەرو دژایەتیکەردەی و نکۆڵیکەردەی جە ۋەرا ۋەرو شناسنامەی، زۋان و کلتورو گەلوو کوردینە."
جە دما دمایی ئەرەیاۋناکەینە هەردووە گەشمەرڎۍ سارا تۆڵهەڵدانە و ڕوکەن زەلالە یاڎۍ مکریاوە و ئامان: "ژەنا قارەمانۍ بە سەرمەشقی سارا تۆڵهەڵدانۍ و ڕوکەن زەلالۍ تاریخشا نویستۆ. نەوەکۍ عەشتار- یەژا ستاری ئارۆنە جە کەشە ئازادەکا کورڎەسانینە بە دەیان قارەمانۍ هامشێوەو زیلانۍ، سارۍ و ڕوکەنۍ سەر هۆرمڎا و جە دژو دووژمنا ژەنۍ و مرۆڤایەتی بە ئەرەکۊشای ئیساتێشاوە زهنییەتو نەتەوەپەرسی و زایەندەپەرسی فاڕیۆ. پۊکەی پېسە ڕێکوستەکا ژەنا جە ۋەرنیشتوو کورڎەسانی گرڎ کاتێ هێڵۊو ئەرەکۊشای و مڎرامانی بەرز مکەرمێوە و ئازادی ڕابەر ئاپۆی و ئازادی گرڎو ژەنا و گلێرگەی مسۆگەر مکەرمۍ."
