پارتوو هەرێمە دیموکراتیکەکا (دەبەپە) ئامەدنە هۆڵوو ئاهەنگوو شارەکەینە حەوتەمین کۆنگرەی ئاسایی وێش ساز کەرد. هۆڵەکە بە پلاکارڎایەکا "بە گلێرگێوە ڕێکوزیاوە بەرەو ژیوای ئازاڎ" و "نا پەی جەنگی، حەر ئیساتێ ئاشتی"، "شمە مەتاودێ ڕۆجیاروو ئێمە تاریک کەرڎێ" و عەلەمەکاو دەبەپەی ڕازیابێوە. چندین حزبێ و نوێنەراو ڕێکوزیا و کۆمەڵە مەدەنییەکا بەشدارییشا کۆنگرەکەنە کەرد.

گەنجێ و هاموەڵاتێ وەڵێ دەسپەنەکەرڎەی کۆنگرەکەینە ئاهەنگشا گێڵنا و سروودەو چەرخا شۆڕشیشا واتە و بەبەرڎەوامی دروشموو 'بژیوۆ سەرۆک ئاپۆ'یشا واتۆ.

حەسەن ئۆزگونەش پەرلەمانتاری وەڵینوو هەدەپەی و ئەنداموو دیوانوو کۆنگرەی واچیوەش پێشکەش کەرد و دلێشنە ئاماژەش بە ڕاوەلوای جەنگی یەرەموو جیهانی کەرد، کە دلێنەکەش کەوتەن وەرکەوتوو دلێڕاسەی و جەختیچش کەرڎۆ، کە ڕزگاریی کوردستانی و تورکیا بەسیانۆ بە ئازاڎیی ڕابەروو گەلوو کوردی عەبدوڵڵا ئۆجالانیوە، کە ئیساتێنە ئینا گۆشەگیریێوە تندنە زیندانوو ئیمراڵیینە.

دماتەر ساڵیحە ئایدەنیزە هامسەرۆکەی گردینەو دەبەپەی قسێش کەرڎێ و واتش، کە کۆنگرەکە قۆناغێوە هەستیارنە بەسیان و وێڕێکوستەی دژوو فوشار، هجوومی و ستەمکاری بەرڎەوام بۆ. بەشێوە تەروو قسەکاشنە ئاماژەش بە جەنگوو غەززەی و هەرپاسە هجوومەکاو سەروو سەرنیشتی و وەرکەوتوو سوریای کەرڎێ و واتش، ئانێ کە وەراوەروو هجوومەکاو ئیسرائیلیوە پەی سەروو غەززەی دەنگ کەرا و پەی سەروو وەرنیشتی بێدەنگێنێ، دووەڕوێنێ. واتیچش: ئا جەنگە وەراوەروو وەرنیشتوو کوردستانیوە کریۆ جەنگوو مۆدێرنیتەی سەرمایەداریین دژوو مۆدێرنیتەی دیموکراتیکی. جەختیچش کەرڎۆ کە دەوڵەتوو تورکی سەروو خاکوو کوردستانیوە دەوروو ئیسرائیلی گێڵنۆ و هجوومەکاش شەرمەزارێ کەرمێ.  

لە بەشێوە تەروو قسەکاشنە ساڵیحە ئایدەنیزە باسوو هەڵمەتەو سیاوگێریی تورکیای و سەرنیشتوو کوردستانی و پاشێلکاری و ئەشکەنجەکاش زیندانەکانە کەرد و واتش: "زیندانەکێ فاڕیێنێ پەی یانەو ئەشکەنجەی و مەرڎەی".

بانگەوازش پەی ئازاڎیی ڕابەروو گەلوو کوردی عەبدوڵڵا ئۆجالانی ئەرەیاونا

ئایدەنیزە وتارەکەشنە ئانەش وست ڕووە، کە "ئازاڎی و دیموکراسی وەرکەوتوو دلێراسەینە و کوردستاننە بە ئاشتیێوە شکۆمەندانە دەسەبەر بۆ. کرێڵوو ئانەیچ ئینا دەسوو بەڕێز عەبدوڵڵا ئۆجالانینە. بەتایبەتی ڕۆشنویرێ، داواما جە گردینە، کە دژوو گۆشەگیری ئیمراڵیینە گنا جموجووڵ. مشۆم گردما پەی لەپێناو ئازاڎی بەڕێز ئۆجالان سەروو پایاوە بیمێ. ئێمەیچ ئینایمێ سەروو پایاوە. بەڕێز ئۆجالان بتاوۆ پەی ئاشتیێوە شکۆمەندانەی دەوروو وێش گێڵنۆ، مشۆم گۆشەگیری ورگێرییۆ".

ئایدەنیزە باسوو گرنگیی ڕای یەرەمێش کەرد و واتش، کە مشۆم پەی سەرکەوتەی جە ورچنیەیەیە ویمانەکانە کۆشیەیدێ. ئایدەنیز سپاسوو ڕاوەبەری وەڵێنوو پارتەکەیش کەرد و هومێدوو سەرکەوتەیش پەی ڕاوەبەرە تازەکا واست.  

دماو وتارەکا، ڕاپۆرتەی داراییەو چالاکییەکێ ونیێنوە، دماتەر سوڵتان یارای و محەممەد شیرین گوربوز پێسە هامسەرۆکاو دەبەپەو ئامەدی ورچنیێ.