دیوانو هامسەرۆکایەتی کۆنگرەو گەلی بە بۆنەو جەژنە و قوربانیۆ ئەرەیاونێوەش وەڵا کەردۆ و ئاماژەش پانەی دا جەژنە و ڕەمەزانی جە گەلەکەیشا و جەهانی ئیسلامی موبارەک مکەرا و واتش: "هیواڏارێنمێ ئی جەژنێ یارمەتیدەرە بۆنە پەی یاواینەی خاستەر جە بانگەوازەکەو ڕابەر ئاپۆی پەی 'ئاشتی و گلێرگە و دیموکراتیک' ی کە پێسە و مانیفێستو سەدەو ویس و یەکی پێناسە کریان و بەتایبەتی جە لایەن و کوردی، تورکی و تەمامو گەلا وەرکەتوو مییامینی زیاتەر خاوەندارێتیش چنە کریۆنە. 
ڕابەر ئاپۆ ئی بانگەوازە تاریخییەشە کەرد پەی ئانەی ڕاگیری جە سیاسەتەکا نکۆڵیەردەی و دلێنە بەردەی دۆڵەتو تورکی گێرۆنە کە جە وەراوەرو  داواو ماف و یاسایی گەلوو کوردی کریێ.
سیستەمو حکومەتو سەرۆککۆماری کە سەرۆککۆمار ڕەجەب تەیب ئەردۆگان نوێنەرایەتیش مکەرۆ، پەی ئانەی جواب و ئی دەرفەتە گۆرەیە دۆوە کە ئی بانگەوازە تاریخیتە بە تایبەت پەی گەلا تورکیای پێشکەش مکەرۆ، هیچ هەنگامێوەش نەنیان." 
جە بەردەوامی ئەرەیاوناکەینە ئامان: "مەکریۆنە هەرمانە  سەر و ئی پڕۆسە تاریخییە پەی سیاسەتو حکومەتو ئاکەپەی جیامەنۆنە. ئا هێز و بازنا داواو ئاشتی و دیموکراسی و ئازادی مکەرا، خاوەن و حەقەتینە و ئی پرۆسەینێ. پەی فشارکەردەی و پارتە سیاسییەکا و پەرلەمانی گنۆنە جوڵۆ، مشۆم بە خێرایی فشار جە ڕاو گرڏی کریۆنە. ڕۆشنویرێ، بازنەو ئەکادیمی، ڕێکوزیاکا گلێرگە و مەدەنی، سەندیکاکێ، ڕۆنامەنووسێ، ڕێکوزیاکا ژەنا و ونکارێ پەی 'بنیادنیا و ئاشتی و گلێرگە و دیموکراتیک' ی مشۆم سەرمەشقایەتی جە خوڵقنا و ڕاو گرڏی کەرمێ. پەی بنیادنیا و گلێرگە و دیموکراتیکی و ئاشتی کە گرڏ و پەرسەکا گلیرگەی چارەسەر مکەرا، مشۆم ڕا و ڕێباز خوڵقیۆنە. 

جە دماینو  ئەرەیاوناکەینە کۆنگرەو گەلی ئاماژە پانەی کریان سەر ونەدای جەژنە و قوربانی دەرفەتێوە گۆرێنە و وچیان: "مشۆم جە سەردای جەژنێنە ڕۆژەڤی سەرەکی جە چوارچێوەو بانگەوازە تاریخییەکە و ڕابەر ئاپۆینە پەی بنیادنیاو  گلێرگە و دیموکراتیکی بۆنە. مشۆم سەرنجما سەر وگەشە و ئەوەکۆشای گلێرگە و دیموکراتیکی بۆنە. گەشە کەردە و دیموکراسی و ئاشتی بە تایبەت ئازادیی ڕابەر ئاپۆ پەیوەسا پینەی. 
سەر و ئی بنەمێ جەژنە و قوربانی جارێور تەر جە گەلەکەیما و جەهانی ئیسلامی موبارەک مکەرمێ، با جەژنە بۆنە یۆبییە و پەشتیووانی گەلا."