بە بۆنە و ئامای جەژنە و موبارەکە و قوربانیۆ کەنەکە جە پەیامو موبارەک بای ئامای جەژنە و ڕەمەزانینە بانگ

ەوازش جە گرڏ و گەلا کوردەسانی کەرد جە دژو گرڏ و هرووژم و پیلانگێڵنییەکا سەر و کوردەسانی مرداوە، وە یۆبییە و یەکڕیزی وێشا بتەوتەر بکەرا.

پەیامەکەو کەنەکەی پی جۆرەن:

"سەوای جەژنەنە، جەژنە و قوربانی. ئێمە جەژنە و قوربانی بە تایبەت جە زینانیا و ئازادیوازا، و خەڵکو کوردەسانی و گرڏ و جەهانی ئیسلامی موبارەک مکەرمێ. هیواڏارێنمێ جەژنە و قوربانی بۆنە مەڵامەتێ پەی ئاشتی و ئارامی جە وڵاتەکەمانە و جە سەرانسەرو جەهانینە.

کوردەسان و گەلوو کوردی بە گرڏی بە کاتێوە هەستیاررنر ویەرا. جە سەرنیشتەنە دیالۆگ و و گێڵای و نیشتەیرە پەی چارەسەرو پەرسەو کوردی هەنە. هەمان ئەوەگێڵای جە وەرنیشتەنە بەردەواما. جە پانیشتەنە پەرسە و کێشە دلینەکا و ئانێ چنی حکومەتو بەغای بەردەوامێنێ. جە وەرنیشتەنە فشارەکێ پەی سەر و خەڵکی و زینانیا، هرووژم پەی سەر و ئازادیوازا، سیاسەتو جە قەنارەدای بەردەواما. جە وەراوەر و ئی دۆخەینر گەلەکەما جە سەرتاسەرو کوردەسانی و چبەر و وڵاتی خەباتو ئازادییشا پەرەپنەدا. ئێمە چی دۆخ و هەلومەرجەنە پێشوازی جە جەژنە و قوربانی مکەرمێ.

سەرەڕاو قسێ و گێڵای شۆنە و ئاشتی و چارەسەری، هەڵای دۆخێوە ئاڵۆز جە وڵاتەکەمانە هەن. هرووژ  و پیلانە پەی دلێنە بەردەیما نەمردان. چی کاتە ناسک و هەستیارەنە پەنەوازا گرڏ و هێزەکا کوردەسانی وریا بانە وەراوەر و ئا هرووژم و پیلانە چەپەڵا مرداوە. پی بۆنۆ داوا جە گرڏ و کورد و کوردەسانیا مکەرمێ کە جە وەراوەرو هرووژم و ئەرەگیرییەکا مرداوە و دەنگو ناڕەزایی وێشا جە دژو ئەرگیرا بەرز بکەراوە و یۆبییە و یەکڕیزیی وێشا پتەوتەر بکەرا.

ئـێمە ئینایمێ جا بڕوێنە و هیواما هەنە کە گەلەکەما پی زویە جەژنە و زەماوەنە و سەرکۆتەی سەر و خاکە ئازادەکەیشا بە ئاشتی و ئارامی و جە ئازادینە موبارەک مکەرا. پی بۆنۆ جارێوە تەر موبارەک بای جەژنە و قوربانی جە گرڏ و زینانیا و ئازادیوازا و خەڵکو کوردەسانی و گرڏ و جەهانی ئیسلامی مکەرمێ."