مەجلیسوو کۆنگرەو ستاری پێوەس بە پاشێلکارییەکاو مافوو ئینسانی و تندوتیژیی سەروو ژەناوە چا هەرێماو ی سوریاینە، کە لاو دەوڵەتوو تورکی و چەتەکاشاوە ئەرەگیرێ کریێنێ، ئەرەیاونیاێوەش وەڵا کەردۆ.
مەجلیسوو کۆنگرەو ستاری پێوەس بە ڕەوشوو ئا هەرێماو سوریایوە، کە لاو دەوڵەتوو تورکی و چەتەکاشۆ ئەرەگیرێ کریێنێ، ئەرەیاوناێوەش وەڵا کەردۆ.
ئەرەیاونایەکەنە ئاماژە کریان بە پاشێلکاریی دڕندانەی وەراوەروو ئینسانی و سرووشتی و گیانەوەرا و ماچۆ: "دەوڵەتوو تورکی، کە ١٨و ئادارو ٢٠١٨ عەفرینش ئەرەگیر کەرد، تاوانوو جەنگیش مکەرۆ، تا خەڵکەکەیش کۆچبەر بکەرۆ و ئەنجامەنە دیموگرافیایش بفاڕۆ".
هەرپاسە ئاماژە پانەیە کریان وەڵێ ئەرەگیرکەردەی عەفرینینە ژەنی مافەکێشا بەدەس ئاردێبێنێ، بەڵام دماو ئەرەگیرکاری تندوتیژی و دەسدرێژیی جەستەیی و دەروونی و گێرتەی میزاجی و کوشتەی وەراوەروو ژەناوە مکریۆ و هەڵای بەردەوامیچا، ماچۆ: " چی مانگێنە جە کەسێتیی ژەنەو عەفرینی زولوخا عیسا سیدۆینە خەڵکوو دەگاو مەیدانکی، واوەی پاشێلوو مافوو ژیوای کریا، زولوخا عیسا سیدۆ جە ڕووەداییوی پلان پەی مجیاینە بە سەیارێوی سەروازی بریندارە بییە و مەردە. دەوڵەتوو تورکی ئی ئەم تاوانە نائەخلاقییە جە ڕاو فشاری ڕاستەخۆو ئەرەمەرزیا ئەمنییەکاو لکەدریاو وێشۆ مشارۆوە".
حەرپاسە ئاماژە پانەیە کریان عەفرینەنە قوربانیی ئەوەڵ ژەنینە و بە شێوێوی سیستماتیک تەسفیە مکریانە.
ئەرەیاونایەکەنە بانگەواز کریان پەی بۆ یۆگێرتەی گردوو کەسایەتی و ڕێکوزیایەکاو ژەناوە پەی مردنای تاوانەکاشا دژوو ژەنا، هەرپاسە داوا جە دەزگاکاو ئەرەیاونای ئازادی کریان ئا تاوانێ دلێ هەرێمە ئەرەگیرکریایەکا مشاریانێوە، دیکۆمێنت بکەرا، ماچۆ: "وەختوو بەرکەردەی ئەرەگیرکەریی تورکینە هەرێمەکەنە".
