کۆنسەو ڕاوەبەری کۆنگرەو نەتەوەیی کوردەسانی (کەنەکە) بە پەیامێوە ١و ئایاریش پیرۊز کەرڎ.

پەیامەکەو کەنەکەی پی جۊرەنە:

"کرێکارا و ڕەنجدەرا بە ئەوەکۊشای و ۋېڕاگری ۋێشا، بە ئارەقەو مېیاچەما و ڕەنجو ۋێشا ١ و ئایاریشا کەرڎ بە ڕۊو  یۊبیەی ئەوەکۊشای و هامپەشتیی کرێکاراو جەهانی. ڕۊو ١و گوڵانی جە تەمامو کرێکارا و زەحمەتکێشا کوردەسانی و دنیۍ پیرۆز بۆ.

ڕۆو ١و ئایاری جەژنەو گرڎو خەڵکو کوردەسانیەنە. کوردەسانیا سەڎان ساڵېن پەی ئازاڎیی و ڕزگاری و ژیۋایۍ ئاسوودەی و سەرفرازی ئەوەکۊشا. ئی ئەوەکۊشایە ۋێش جە ۋێشەنە ڕەنجێوە گۊرەو و قیمەتدارا. ۋەرو ئانەی خەڵکو کوردەسانی کرێکارۍ و ڕەنجدەرۍ ئازادی و ڕزگارینۍ. هەر پۊکەی کوردەسانیا پېوەرە و بە فەخرۆ ئی جەژنۍ پیرۆزە مکەرا و بە جەژنەو ۋێشا مزاناش.

ئی جەژنۍ جە تەمامو خەڵکی و گەریلای و پێشمەرگەی و جەنگەوانا، جە گرڎو کۊششکارا دۆزو ئازادی و ڕزگاری کوردەسانی پیرۆز بۆ.

ڕژێمە سەرکوتکەرەکۍ، هەمیشە یاڎو ئی جەژنېشا قەڎەغە کەردەن. هەزاران لەمپەرۍ و کۊسپېشا وستێنۍ ۋەردەمو کرێکارا و ڕەنجدەرا، تا ئی ڕووەیە پېسە جەژنۍ پیرۆز نەکەرا. بەڵام خەڵک بێ سڵەمایۆ، بەردەوام درێژەشا بە کۊششی و ئەوەکۊشای و ڕەنجو ۋێشا دان و جە دیمو کۊششینە ئی جەژنێشا کەردێنە حەقیقەت و ساڵانە پیرۆزەشا کەرڎێنە.

 گەلو کوردیچ هەر جە سەرەتاکاو بیەو ئی ڕووەیۆ، بە جەژنە پېسە جەژنەو ۋێش قبوڵش کەردەن و بە جۆش و خرۆشی فرۆ زەماونەش پەی گێڵنان.

ئېساڵ بە شێوێوە جیاواز زەماونەو ١و ئایاری گێڵنمۍ. ماوەو چن مانگێوەن جە سەرنیشتوو کوردەسانینە پڕۆسەو دیالۆگی ملۊڕاوە. تا ئیساتۍ شاندەکۍ چڼین جارۍ سەردای دوورگەو ئیمرالیشا کەرڎەن و چنی ئېژا عەبدوڵڵا ئۆجالانی کوۍ بیێنێوە. بانگەواز و قسۍ فرۍ کریێنۍ، بەڵام تا ئیساتۍ حیچ هەنگامېوە کۆنکرێتیە نەنریێنە. ئامانجو لایەنو کوردی چارەسەرکەردەی پرسو کوردی جە ڕاو ئی دیالۆگەیۆ، پەنەوازا گرڎما هەوڵبڎەیمۍ ئی دیالۆگیە بیاونمۍ بە قۆناغو چارەسەری.

لێوە تەرۆ جە سەرەتاو ساڵێوە هەنگامەی گرنگە پەی بەرەووەڵێ یەکڕیزی و هەماهەنگی دلێ یانە و کوردینە نریان. ماوێوەن دیالۆگێوە خاس بەینو گرڏو حزب و ڕێکوزیا کوردییەکانە هەن. جە ڕووەکا ویەردەینە کۆنفرانسێسە گرنگ بە بەشداریی گرڏو لایەنەکا جە وەرنیشتیو کوردەسانینە ملۆڕاوە. هەرپاسە بە هەمان مەبەس جە ئۆروپانە کۆنفرانسێ پەی وەرکەرتوو کوردەسانی لواڕاوە. جە هەردووی کۆنفرانسەکەنە  گفتوگۆی وەرفراوان کریا و قەراری گرنگ سەبارەت بە یۆبییەی نەتەوەیی دریا.

کەنەکە جە هەردووی کۆنفرانسەکەنە بەشداریش کەرد و چنین بەرهەمێش پێشکەش کەردێ. بە پاو قەرارو کۆنفرانسو لۆزانی جە ماوەو ئێساڵینە هەوڵ مڏەیمێ هەمان کۆنفرانس جە هەردووی پارچەو سەرنیشتوو پەنیشتینە بەرمێ ڕاوە.  جە ئەنجامەنە، بە پاو قەرارو کۆنفرانسو لۆزانی هەوڵ مڏەیمێ کۆنفرانسێوە نەتەوەیی و نیشتمانیی وەرفراوان جە سەرتاسەرو کوردەسانینە ئەنجام دەیمێنە.

سەرەڕاو ئی دۆخەیە، پیلانە و دژ بە گەلوو کوردی جە سەرتاسەرو کوردەسانینە بەردەواما. پڕۆژەکێ دوژمنی فرێنێ و گرڏو دەستکەوتەکا گەلوو کوردەسانی ئینێ چێرو هەڕەشێ گۆرێنێنە. پەنەوازا گرڏو حزب و ڕێکوزیا و هێزە کوردییەکا ئا حەقیقەتەیە وینانە و با جۆرە هەڵسوکەوت بکەرا. پەنەوازا گرڏو هێزە کوردییەکا یەکڕیزیی وێشا پتەوتەر بکەرا و بە یەک دەنگ جە دژو ئا پیلانا پێوەرە مرڏانە.

کوردسانیێ یەکدەنگی و  یۆبییەی وێشا پتەوتەر بکەرا و جەیەک سەنگەرەنە دژ  با پیلانا مدراوە و پوچەڵشا کەراوە.                            

پەنەوازا گرڏو هێزەکا کوردەسانی جە دژو هرووژم و پیلانە ئەرەگیرەکا بە هەڵوێسێ بانە.

 پی بۆنۆ داوا جە گرڏ و کوردی و کوردەسانیا مکەرمێنە بە جۆش و خرۆشۆ جەژنە و نەورۆزی، گرڏ یاگێنە بەشداری جە زەماوەنە ١ـو ئایار ی بکەرا."