کۆنسەو ڕاوەبەریی کۆنگرەی نەتەوەیی کوردستان (کەنەکە)ی ئەرەیاوناێوە نویسیانە هجووموو سەروو گەلوو ئاشووری-سوریانی-کلدانی شەرمەزار کەرد.

ئەرەیاونیاو کەنەکەی ئینەن:

"دەوڵەتی ئەرەگیروو تورکی و هامکارە جیهادیستەکا ڕوانە هجوومەکاشا پەی سەروو خەڵکی و گردوو پێکئامایەکاو سەرنیشت و وەرکەوتوو سوریای و وەرنیشتوو کورستانی بەردەوام کەرا. ڕۆو ٢٨ شوباتوو ٢٠٢٤هێزەکاو ئاسایشوو دلێ سەر بە سۆتۆرۆی کە جە پێکئامایەکاو ئاشووری-سوریانی-کلدانی وەشێ بیێنێ، بیی بە ئامانجوو هجوومەکاو دەوڵەتی ئەرەگیری و یەرێ ئەنداماو ئاسایشی  مەردێ و دووێ ئەندامێ بریندارێ بیێ.

پێسە کەنەکەی سەرەوەشی وەنەو هێزەکاو ئاسایشوو دلێ و گەلوو ئاشووری-سوریانی-کلدانی و بنەیانەکاشا کەرمێ و هجوومە دڕندانەکەی شەرمەزار کەرمێ و دڵسۆزیی وێما پەی گەلوو ئاشووری-سوریانی-کلدانی ئەوەخوای کەرمێوە.

دەوڵەتی ئەرەگیروو تورکی و ڕژێموو ئاکەپە-مەهەپەی دیکتاتۆر و فاشیستی چەنی هێزە جیهادیستەکا پی هجووما واوەی ئەوەخوایشا کەردۆ کە پلان و ئامانجشا دلێنەبەردەی دەسکەوتەکاو نەتەوەی دیموکراتیکین، کە سەروو بناغەو یەکسانی مەرزیانرە. پارادایموو نەتەوەی دیموکراتیکی بییەن هومێدوو خەڵکوو هەرێمەکەی و ئی پارادایمەیە دمایی بە وەرم و خەیاڵەکاو ڕژێمی فاشیست و دیکتاتۆری مارۆ.  

باڕما پاسەن  هامکاری و هامبەشی سەروو زەمینەو یەکسانی دماییش بە سیاسەتوو کۆکوشی تێکدای دیمۆگرافیی هەرێمەکەی مارۆ.

پێسە کەنەکەی داوا وەنەو هێزە سیاسی و میاننەتەوەییەکاو هەرێمەکەی پێسە هامپەیمانیی میاننەتەوەیی، یۆبییەی ئەورووپای و نەتەوە یۆگێرتەکان و ئەمریکای کەرمێ، دەمودەس هەڵوێست وەراوەروو هجوومەکاو دەوڵەتی ئەرەگیری ورگێرا و ڕا وەنەو پیلانەکاو کۆکوشیی و تێکدای دیمۆگرافیی هەرێمەکەی گێرا".