مېیانو گلېرگەو کوردی دیموکراتیکی بۆنەو جەژنەو زوانی کوردییوە مەڕاسیمێوەش سازکەرڎ. هەرپاسە نویسەر یاعقوب تلەرمەنی سەرو زوانی کوردی سیمینارێوەش پێشکەش کەرڎ و دماتەر گروپی هونەری بەرهەمش پێشکەش کەرڎ.
شارو لێنزبۆرگو هەرێمو ئارگاوی سویسراینە، کۆمیسیۆنو مېیانو گلېرگەی کوردی دیموکراتیکو ئاراوی بۊنەو جەژنەو زوانی کوردییوە مەڕاسیمێوەش ڕێکوست.
مەڕاسیمەکە بیناو مېیانەکەینە ئەنجام دریا، جە کەسایەتی ئەرەمەرزنەرا پەکەکەی عەلی حەیدەر قەیتانی و ڕەزا ئاڵتونینە بە مەبەسو یاڎکەردەیۆ تەمامو گەشمەرڎا ئازادی کوردەسانی بە دەیەقێوە مردای بە پێوە ڕێز گیریا.
جە گفتوگۆ و پەیامەکانە نوێنەرو کۆمیسیۆنو کەلتووری نەجەدەکەی نویسەر یاعقوب تلەرمەنی سیمینارێوەش پێشکەش کەرڎ.
تلەرمەنی ئاماژەش پانەی دا کوردی زوانێوە فرە بە هێزا و واتش: "زوانی ئەڎایما فرە بە هێزا. ئەر پاسە نەبیۍ زوو دلېنە شێ. سەرەراو گرڎو فشارەکا تا بە ئارۊ ئامان، ئینە سەرکۊتەیۍ جدییا. بە تایبەتی ئانۍ جە دیاسپۆرانە مژیۋا، مشۊم بێگومان زوانی ئەڎایی فێرو زاوڵەکاشا بکەرا."
زاوڵۍ کتێبۍ کوردیێشا ۋەنێوە و بە گۆرانییە کوردییەکا گروپو میوزیکی ئەنجوومەنو مەحمەد تونچو ئاراودای، مەڕاسیمەکە تا شەوۍ دێرۍ بەردەوامیش بۍ.
