بەشەکێ پلاتفۆرمس ڕەنج و دیموکراسی دێرسیمی و چنین کەسێ بەشداری چالاکییەکەی بیێ. جە چالاکییەکەنە وێنەو ئا کەسا چێرو چەمدێرینە بێسەروشۆنێ کریێ، هور گیریێ.
هامسەرۆکو لقو دێرسیمی ئیهەدە ئۆزگور ئاتەش ئەرەیاونێوەش دا و ئاماژەش بە گرنگی هەفتەو بێسەرشۆنکریایا کەرد. هامسەرۆک نورشاد یەشیل پەی ئاشکراکەردە و چارەنووسو خاتوون، یەتەر، ئەلیف ئیشک، گوڵزارێ و کناچەکێش دیلەک سەرینی تەمەن یەرە ساڵ، کە جە دەگا و ڤارتینیکی ساڵە و ١٩٩٤ بێسەروشۆن کریا، گوڵستان دۆکووە کە جە ساڵە و ٢٠٢٠یۆ زانیاریش سەر نەزانریان، بانگەوازش کەرد.
نورشاد یەشیل داواش کەرد چارەنووسو ئا کەسا بێسەروشۆنکریێنێ ئاشکرا کریانە، تاوانبارێ دادگایی کریانە، بێسەروشۆنکەردەی پێسە و تاوانێ جە دژو ئینسانییەتی پەسەن کریۆنە، دمای بە بێ سزایی بێنە، تورکیا قەولش دا جە دژو بێسەروشۆنکریایا بە زۆەملێی نەتەوە یۆگێرتەکا  ئیمزا بکەرۆ و قەدەغە سەر و مێدانو گەلەتەسەرای هورگیریۆنە.
ئەرەیاوناکەی بە چالاکی ئەرەنیشتەی دمایش ئاما.