ڕێکوزیاو هامکاریی مرۆیی مانگەی سوورەو کوردستانی بە هامکاریی پیشەوەراو کوردی یاباننە، هامکارییەکا پێسەو واردەی گەرمی و کەلوپەلیش یاونا وەنەقۆمیایا بوومەلەرزەکەو شاروو سۆزۆی نیمچە دوورگەو نۆتۆینە.
١کانوونوو دووەموو ٢٠٢٤ شاروو سۆزۆینە نیمچە دوورگەو نۆتۆیینە ژاپۆننە بوومەلەرزێوە بە گوڕوو ٧ پلا کەوت و ٢٤١ کەسێ مەردێ و ١٢٨٦ بریندارێ بیێ و ١٩ کەسێ بێسەروشۆنێ بیێ.
پارێزگاو ئیشیکاوای واتەبێش بە بوومەلەرزەکەی ١٢ هەزارێ و ٤٤٣ باڵایانێ زەرەرشا یاوان لا و زیاتەر جە ١٩ هەزار کەسا ناوەندەکاو فاڕایۆینە مەناوە.
مانگەی سوورەو کوردستانی ئەرەیاوناش هامکاریی وەنەقۆمیایەکاشا کەردەن.
ئەرەیاونایەکەینە ئامان دماو بوومەلەرزەکەو ١٢ کانوونوو دووەمی، پەی ماوەو ٣ ڕوا واردە یاویان ٤٠٠٠ کەسا. هەرپاسە کە ٢٤ و ٢٥ شوباتینە ماوەو ٢ ڕوانە واردەی گەرم دریان بە ١٢٠٠ کەسا، پێویسی و چێو سەروو ٢٠٠٠ کەسارە بەش کریان.
مانگەی سوورەو کوردستانی واتش، کە یاباننە چند جارێک بوومەلەرزە کەوتەن و هەردەم هامکاریی وەنەقۆمیایاشا کەردەن و ئینەیچە بە هەرمانەو وێشا مزانا.
